Atyraý oblysynda 14 jasqa deiingi 662 bala koronavirýs juqtyrǵan. Oblystyq bas sanitariia dárigeri Mádeniet Tanaýov osylai málim etti, dep habarlaidy "Ult aqparat".
«Byltyrǵy 28 naýryzdan biylǵy 11 naýryzdy qosa alǵanda koronavirýs infektsiiasyn juqtyrǵan 17 582 derek tirkeldi. Onyń ishinde qaýipti virýsqa shaldyqqan 14 jasqa deiingi 662 bala bar. Sondai-aq, 18 jasqa tolmaǵan 300 jasóspirimde de koronavirýs anyqtaldy» -dedi Mádeniet Tanaýov.
Bas sanitar dáriger óńir turǵyndaryn epidemiologiialyq ahýal turaqtaǵanǵa deiin adamdar kóp shoǵyrlanatyn jerge barmaýǵa shaqyrdy. Áli de áleýmettik qashyqtyqty, meditsinalyq maska kiiý rejimin saqtaý qajet.
«Elimizdiń batys aimaǵynda 14 naýryzda Kórisý bastalady. Bul kúni jasy úlken adamdarǵa baryp kórisý dástúri bar. Al qariialar virýs juqtyrý qaýpi mol topqa jatady. Kórshiliginiń sozylmaly syrqaty bolýy múmkin. Sol sebepten, Kórisý men Naýryz merekesinde úlkenderdi telefonmen, videoqońyraý arqyly quttyqtaǵan jón. Bul qaýipti virýstyń taralmaýyna septigin tigizedi», - dedi bas sanitar dáriger.
