اتىراۋ وبلىسىندا 14 جاسقا دەيٸنگٸ 662 بالا كوروناۆيرۋس جۇقتىرعان. وبلىستىق باس سانيتارييا دەرٸگەرٸ مەدەنيەت تاناۋوۆ وسىلاي مەلٸم ەتتٸ, دەپ حابارلايدى "ۇلت اقپارات".
«بىلتىرعى 28 ناۋرىزدان بيىلعى 11 ناۋرىزدى قوسا العاندا كوروناۆيرۋس ينفەكتسيياسىن جۇقتىرعان 17 582 دەرەك تٸركەلدٸ. ونىڭ ٸشٸندە قاۋٸپتٸ ۆيرۋسقا شالدىققان 14 جاسقا دەيٸنگٸ 662 بالا بار. سونداي-اق, 18 جاسقا تولماعان 300 جاسٶسپٸرٸمدە دە كوروناۆيرۋس انىقتالدى» -دەدٸ مەدەنيەت تاناۋوۆ.
باس سانيتار دەرٸگەر ٶڭٸر تۇرعىندارىن ەپيدەميولوگييالىق احۋال تۇراقتاعانعا دەيٸن ادامدار كٶپ شوعىرلاناتىن جەرگە بارماۋعا شاقىردى. ەلٸ دە ەلەۋمەتتٸك قاشىقتىقتى, مەديتسينالىق ماسكا كييۋ رەجيمٸن ساقتاۋ قاجەت.
«ەلٸمٸزدٸڭ باتىس ايماعىندا 14 ناۋرىزدا كٶرٸسۋ باستالادى. بۇل كٷنٸ جاسى ٷلكەن ادامدارعا بارىپ كٶرٸسۋ دەستٷرٸ بار. ال قارييالار ۆيرۋس جۇقتىرۋ قاۋپٸ مول توپقا جاتادى. كٶرشٸلٸگٸنٸڭ سوزىلمالى سىرقاتى بولۋى مٷمكٸن. سول سەبەپتەن, كٶرٸسۋ مەن ناۋرىز مەرەكەسٸندە ٷلكەندەردٸ تەلەفونمەن, ۆيدەوقوڭىراۋ ارقىلى قۇتتىقتاعان جٶن. بۇل قاۋٸپتٸ ۆيرۋستىڭ تارالماۋىنا سەپتٸگٸن تيگٸزەدٸ», - دەدٸ باس سانيتار دەرٸگەر.
