Atyraý oblysynan sý tasqynynan zardap shekken maqtaaraldyqtarǵa gýmanitarlyq kómek jetti. 160 tonnadan astam júk tiegen kerýen eki kún boiy jol júrip kelgen, dep habarlaidy "Ult aqparat".
Gýmanitarlyq kómektiń ishinde azyq-túlik pen kiim-keshek, gigienalyq zattar bar. Bul zattardy jetkizý úshin 6 júk kóligi, 20 «Gazel» men 2 jeńil kólikten quralǵan kerýen sapar shekken.
«Eki táýlik shamasynda atyraýlyq aǵaiynnyń amanatyn Maqtaaralǵa jetkizdik. Sonymen qatar, Atyraý qalasy halqynan bólek, munaily óńirge qarasty 7 aýdannyń jastary jinaǵan 15 million teńge Maqtaral aýdanynyń halqyna beriledi. Talai qiyndyqty halqymyz birliktiń arqasynda jeńgen. Bul synaqty da birge ótkeremiz. Biz birgemiz!», - dedi kerýendi bastap kelgen azamattar.
Aita keteiik, Atyraý oblysy ákimdiginiń qoldaýymen Maqtaaralǵa kómek kórsetý maqsatynda arnaiy qorǵa qarjy jinalǵan. Sonymen qatar, qajetti turmystyq zattar men kiim-keshekter, tósek-oryn jabdyqtary jasaqtalǵan. Kásipkerler men qarapaiym halyqqa deiin qolyndaǵy baryn kerýenge ákelip bergen bolatyn.
