اتىراۋ وبلىسىنان سۋ تاسقىنىنان زارداپ شەككەن ماقتاارالدىقتارعا گۋمانيتارلىق كٶمەك جەتتٸ. 160 توننادان استام جٷك تيەگەن كەرۋەن ەكٸ كٷن بويى جول جٷرٸپ كەلگەن, دەپ حابارلايدى "ۇلت اقپارات".
گۋمانيتارلىق كٶمەكتٸڭ ٸشٸندە ازىق-تٷلٸك پەن كيٸم-كەشەك, گيگيەنالىق زاتتار بار. بۇل زاتتاردى جەتكٸزۋ ٷشٸن 6 جٷك كٶلٸگٸ, 20 «گازەل» مەن 2 جەڭٸل كٶلٸكتەن قۇرالعان كەرۋەن ساپار شەككەن.
«ەكٸ تەۋلٸك شاماسىندا اتىراۋلىق اعايىننىڭ اماناتىن ماقتاارالعا جەتكٸزدٸك. سونىمەن قاتار, اتىراۋ قالاسى حالقىنان بٶلەك, مۇنايلى ٶڭٸرگە قاراستى 7 اۋداننىڭ جاستارى جيناعان 15 ميلليون تەڭگە ماقتارال اۋدانىنىڭ حالقىنا بەرٸلەدٸ. تالاي قيىندىقتى حالقىمىز بٸرلٸكتٸڭ ارقاسىندا جەڭگەن. بۇل سىناقتى دا بٸرگە ٶتكەرەمٸز. بٸز بٸرگەمٸز!», - دەدٸ كەرۋەندٸ باستاپ كەلگەن ازاماتتار.
ايتا كەتەيٸك, اتىراۋ وبلىسى ەكٸمدٸگٸنٸڭ قولداۋىمەن ماقتاارالعا كٶمەك كٶرسەتۋ ماقساتىندا ارنايى قورعا قارجى جينالعان. سونىمەن قاتار, قاجەتتٸ تۇرمىستىق زاتتار مەن كيٸم-كەشەكتەر, تٶسەك-ورىن جابدىقتارى جاساقتالعان. كەسٸپكەرلەر مەن قاراپايىم حالىققا دەيٸن قولىنداعى بارىن كەرۋەنگە ەكەلٸپ بەرگەن بولاتىن.
