Atyraý oblysyna «Nysana» zymyranynyń bir bóligi qulady. Jeli qoldanýshylary zymyrannyń synǵan bóliginiń sýretin jariialaǵan, dep habarlaidy "Ult aqparat" óńirdiń TJD-ǵa silteme jasap.
Atyraý oblysy TJD jedel kezekshisi málim etkendei, «Nysana» zymyranynyń 7-8 metrlik bir bóligi 23 tamyzdan 24 tamyzǵa qaraǵan túni Qurmanǵazy aýdanyna qarasty Qurmanǵazy eldi mekeninen 20 shaqyrym jerde qulaǵan.
«Zymyran bóligi qulaǵannan keiin sol jerdiń qurǵaq shóbi órtene bastaǵan. TJD qyzmetkerleri ony aýyzdyqtap úlgerdi. Oqiǵa saldarynan zardap shekkender joq. Radiatsiialyq aiasy normasynan asqan joq», - dep málim etti óńirdiń Tótenshe jaǵdailar departamentiniń ókili.
Oqiǵa ornynda arnaiy jasaqtalǵan komissiia jumys jasap jatyr. Arnaiy mamandar zymyrannyń bóligi tabylǵan jerdi qorshaýǵa aldy.
