اتىراۋ وبلىسىنا «نىسانا» زىمىرانىنىڭ بٸر بٶلٸگٸ قۇلادى. جەلٸ قولدانۋشىلارى زىمىراننىڭ سىنعان بٶلٸگٸنٸڭ سۋرەتٸن جارييالاعان, دەپ حابارلايدى "ۇلت اقپارات" ٶڭٸردٸڭ تجد-عا سٸلتەمە جاساپ.
اتىراۋ وبلىسى تجد جەدەل كەزەكشٸسٸ مەلٸم ەتكەندەي, «نىسانا» زىمىرانىنىڭ 7-8 مەترلٸك بٸر بٶلٸگٸ 23 تامىزدان 24 تامىزعا قاراعان تٷنٸ قۇرمانعازى اۋدانىنا قاراستى قۇرمانعازى ەلدٸ مەكەنٸنەن 20 شاقىرىم جەردە قۇلاعان.
«زىمىران بٶلٸگٸ قۇلاعاننان كەيٸن سول جەردٸڭ قۇرعاق شٶبٸ ٶرتەنە باستاعان. تجد قىزمەتكەرلەرٸ ونى اۋىزدىقتاپ ٷلگەردٸ. وقيعا سالدارىنان زارداپ شەككەندەر جوق. رادياتسييالىق اياسى نورماسىنان اسقان جوق», - دەپ مەلٸم ەتتٸ ٶڭٸردٸڭ تٶتەنشە جاعدايلار دەپارتامەنتٸنٸڭ ٶكٸلٸ.
وقيعا ورنىندا ارنايى جاساقتالعان كوميسسييا جۇمىس جاساپ جاتىر. ارنايى ماماندار زىمىراننىڭ بٶلٸگٸ تابىلعان جەردٸ قورشاۋعا الدى.
