Atyraý oblysynda áli de 200 dáriger jetispeidi. Bul týraly oblys ákimi Mahambet Dosmuhambetov málim etti, dep habarlaidy "Ult aqparat".
Óńirde meditsinalyq nysandardy jańartý máselesi sheshimin taýyp keledi. Byltyr bul salada 2 nysan iske qosyldy. Taǵy 12 ǵimarattyń qurylysy júrgizilip jatyr.
«Dáriger jetispeýshiligi máselesi áli kúnge tolyq sheshimin tappady. Byltyr óńirge 130 dáriger-maman keldi. Áli de 200 maman jetispeidi. Osyǵan orai biyl kadr tapshylyǵyn joiý úshin meditsinalyq bilim beretin joǵary oqý oryndaryna 110 grant bólý josparlandy», - dedi oblys ákimi Mahambet Dosmuhambetov.
Sondai-aq, sala qyzmetkerlerin baspanamen qamtamasyz etýde qujattar qabyldanýda. Qazirgi ýaqytta meditsina salasynyń 89 qyzmetkeri baspanaly boldy.
