Osy jyldyń 5 aiynda Atyraý oblysy memlekettik biýdjetke 559 mlrd teńge salyq aýdardy. Bul týraly Ortalyq kommýnikatsiialar qyzmetindegi brifing barysynda Atyraý oblysynyń ákimi Mahambet Dosmuhambetov aitty, dep habarlaidy "Ult aqparat".
«2021 jyldyń 5 aiynda memlekettik biýdjetke 559 mlrd teńge, onyń ishinde, respýblikalyq biýdjetke 384 mlrd teńge salyq aýdaryldy. Bunyń syrtynda, Ulttyq qorǵa 357 mlrd teńge tústi. Jyl basynan beri negizgi kapitalǵa salynǵan investitsiialar 1 trln 15 mlrd teńgeni qurady. Jalpy 2021 jylǵa boljam - 3,8 trln teńge», - dedi Mahambet Dosmuhambetov.
Onyń dereginshe, 5 aida ónerkásip óniminiń kólemi 3,2 trln teńgeni qurady. Oblystyń respýblikanyń ónerkásibindegi úles salmaǵy – 22,7 paiyz.
«19,5 mln tonna munai jáne 10,2 mlrd tekshe metr ilespe munai gazy óndirildi. Biyl Kásipkerlikti qoldaý kartasy aiasynda 837 mlrd teńge bolatyn 5 jobany júzege asyryp, 560 jumys ornyn ashý josparlanýda», - dedi oblys ákimi.
