وسى جىلدىڭ 5 ايىندا اتىراۋ وبلىسى مەملەكەتتٸك بيۋدجەتكە 559 ملرد تەڭگە سالىق اۋداردى. بۇل تۋرالى ورتالىق كوممۋنيكاتسييالار قىزمەتٸندەگٸ بريفينگ بارىسىندا اتىراۋ وبلىسىنىڭ ەكٸمٸ ماحامبەت دوسمۇحامبەتوۆ ايتتى, دەپ حابارلايدى "ۇلت اقپارات".
«2021 جىلدىڭ 5 ايىندا مەملەكەتتٸك بيۋدجەتكە 559 ملرد تەڭگە, ونىڭ ٸشٸندە, رەسپۋبليكالىق بيۋدجەتكە 384 ملرد تەڭگە سالىق اۋدارىلدى. بۇنىڭ سىرتىندا, ۇلتتىق قورعا 357 ملرد تەڭگە تٷستٸ. جىل باسىنان بەرٸ نەگٸزگٸ كاپيتالعا سالىنعان ينۆەستيتسييالار 1 ترلن 15 ملرد تەڭگەنٸ قۇرادى. جالپى 2021 جىلعا بولجام - 3,8 ترلن تەڭگە», - دەدٸ ماحامبەت دوسمۇحامبەتوۆ.
ونىڭ دەرەگٸنشە, 5 ايدا ٶنەركەسٸپ ٶنٸمٸنٸڭ كٶلەمٸ 3,2 ترلن تەڭگەنٸ قۇرادى. وبلىستىڭ رەسپۋبليكانىڭ ٶنەركەسٸبٸندەگٸ ٷلەس سالماعى – 22,7 پايىز.
«19,5 ملن توننا مۇناي جەنە 10,2 ملرد تەكشە مەتر ٸلەسپە مۇناي گازى ٶندٸرٸلدٸ. بيىل كەسٸپكەرلٸكتٸ قولداۋ كارتاسى اياسىندا 837 ملرد تەڭگە بولاتىن 5 جوبانى جٷزەگە اسىرىپ, 560 جۇمىس ورنىن اشۋ جوسپارلانۋدا», - دەدٸ وبلىس ەكٸمٸ.
