Atyraý oblystyq aýrýhanasynyń bas dárigeri qyzmetinen ýaqytsha shettetildi, dep habarlaidy "Ult aqparat".
Tótenshe jaǵdaidy qamtamasyz etý jónindegi jedel shtabtyń habarlaýynsha, Atyraý oblystyq aýrýhanasynyń bas dárigeri Saiyn Shomirov qyzmetinen ýaqytsha bosatyldy. Qazir oblystyq densaýlyq saqtaý basqarmasynda meditsinalyq mekemede koronavirýs infektsiiasynyń taralýyna jol berilýi faktisine orai komissiia quryldy.
Buǵan deiin, 8 sáýirde bas dárigerdiń sheshimimen naýqastar men dárigerlerdiń koronavirýs infektsiiasyn juqtyrýyna bailanysty aýrýhana karantinge jabylǵan bolatyn. Al, 31 naýryzda qaýipti indetti juqtyrǵan meditsinalyq qyzmetkerler arasynda 10 derek, naýqastardan 12 derek anyqtalǵan.
«Qazir arnaiy komissiia aýrýhana basshylyǵynyń Covid-19 infektsiiasyn juqtyrýdyń alǵashqy jáne keiingi faktilerin tirkeý kezindegi is-áreketin tekserýde. Komissiia jumysynyń nátijesimen bas dárigerdi qyzmetinen ýaqytsha bosatý nemese qyzmetinen bosatý týraly sheshim qabyldanady»6- dep habarlady jedel shtab.
Eske sala ketelik, búgin oblystyq aýrýhana qalypty rejimde jumys istep, naýqastardy shuǵyl túrde emdeýdi bastady. Turǵyndardy ginekologiia, gematologiia, neirohirýrgiia, travmatologiia, neirotravmatologiia, hirýrgiia jáne reanimatsiia bóilmderinde qabyldaý júrgizilýde. Karantinnen keiin 160 meditsina qyzmetkeri jumysqa shyqqanyn jazǵan edik.
