Sýret: anpz.kz
Biyldan bastap Ekologiia ministrligine tabiǵatty qorǵaý zańnamasyn júieli túrde buzatyn kásiporyndardyń jumysyn sot arqyly toqtatý quqyǵy berildi. Ministrlik alǵash ret bul quqyqty Atyraý munai óńdeý zaýytyna qatysty qoldanbaq, - dep habarlaidy Tengrinews.kz.
"Qazir zańnamaǵa ózgertýler engizildi. Lastaný boiynsha jylyna eki retten asa buzýshylyq tirkelgen jaǵdaida, sol kásiporynnyń jumysyn toqtatý týraly sheshimdi tolyǵymen qabyldai alamyz. Bizde mundai quzyret bar. Biz ony paidalanamyz", - dedi Ekologiialyq retteý jáne baqylaý komiteti tóraǵasynyń mindetin atqarýshy Aidar Abdýaliev.
Abdýalievtiń aitýynsha, tabiǵatty qorǵaý zańnamasyn júieli túrde buzǵany úshin sot Atyraý munai óńdeý zaýytynan shyǵaryndylardyń paidalanýǵa berilgen ekologiialyq ruqsatty bir aiǵa toqtatqan. Alaida, ekinshi satydaǵy sot óndiriste tótenshe jaǵdaidyń týyndaý qaýpin azaitý úshin zaýyttyń tótenshe jaǵdaida zań buzýshylyqqa jol bergenin alǵa tartyp, bul sheshimniń kúshin joidy.
"Degenmen zaýytta tekserý júrip jatyr. Onyń qorytyndysy boiynsha taǵy da zań buzýshylyq anyqtalsa, zaýyttyń jumysyn toqtatý týraly materialdar qaitadan sotqa beriledi. Tabiǵatty qorǵaý zańnamasyn buzǵan basqa kásiporyndardy da osyndai jaza kútip tur", - dep eskertti Abdýaliev.
