Qarjy monitoringi agenttigi Atyraý munai óńdeý zaýytynyń burynǵy bas direktory Shýhrat Danbaiǵa qatysty tergeý júrgizilip jatqanyn rastady, - dep habarlaidy "Ult aqparat".
"Atyraý oblysy boiynsha qarjy monitoringi agenttiginiń aýmaqtyq departamenti "Atyraý munai óńdeý zaýyty" JShS-niń burynǵy bas direktory Sh.A. Danbaiǵa jáne basqa tulǵalarǵa qatysty Qylmystyq kodekstiń 189-baby 4-bóligi 2-tarmaǵymen, iaǵni Atyraý MÓZ-niń qajettilikteri úshin jabdyqtar satyp alýǵa bólingen aqsha qarajatyn jymqyrý deregi boiynsha sotaldy tergeý júrip jatyr. 16 aqpanda Sh.Danbai Qylmystyq-protsestik kodekstiń 128-babyna sáikes ustalyp, Atyraý qalasy Politsiia basqarmasynyń ýaqytsha ustaý izoliatoryna qamaldy", - delingen AFM Telegram-arnasyndaǵy habarlamada.
Agenttik tergeý jalǵasyp jatqanyn jáne ózge aqparat tergeý múddesi úshin jariia etilmeitinin atap ótti.
