Atyraý munai óńdeý zaýytynda elektr energiiasy sónip, sonyń saldarynan alaý jandy, dep habarlaidy QazAqparat.
Atyraý munai óńdeý zaýyty qoǵammen bailanys bóliminiń málimetinshe, alaýdyń janýyna elektr enegriiasynyń óshýi sebep bolǵan.
«KEGOC» AQ elektr qýatyn jospardan tys toqtatyp tastady. Sonyń saldarynan Atyraý munai óńdeý zaýytynda elektr qýaty bolmady. Osyǵan bailanysty zaýyt jumysy avariialyq jaǵdaida toqtatyldy. Tótenshe jaǵdaidyń aldyn alý úshin syrtqy elektrmen jabdyqtaý júiesi tolyq turaqtanǵansha, zaýyttyń otyn jelisi tehnologiialyq reglamentke sáikes alaý júiesine baǵyttalady. «KEGOC» AQ-nyń elektr berýdi toqtatýy jospardan tys bolyp otyr. Bul óndiristiń jumysyna keri áser etedi», - dep aqparat taratty zaýyttyń qoǵammen bailanys bólimi.
Buǵan deiin Atyraý munai óńdeý zaýyty lastaýshy zattardy aýaǵa normadan kóp shyǵarǵanyn habarlaǵan edik.
Biyl 27 sáýir – 26 mamyr aralyǵynda «AMÓZ» JShS-ǵa tekserý júrgizildi. Sol kezde statsionar kózderinen, ónerkásiptik shyǵaryndylardan, sondai-aq himiialyq taldaý maqsatynda «Týhlaia balka» býlaný alańyna aǵyzylatyn sarqyndy sýdan synama alyndy. Tekserý qorytyndysymen «AMÓZ» JShS-niń jylý elektr ortalyǵynda ornalasqan №3 qazannan kómirqyshqyl gazy, al №4 qazannan azot oksidi men azot dioksidiniń shekti ruqsat berilgen normadan asý faktisi anyqtaldy.
