Atyraý munai óńdeý zaýytynda 8 aida 3,5 mln munai óńdeldi, dep habarlaidy QazAqparat.
Zaýyttyń qoǵammen bailanys bóliminiń málimetinshe, biylǵy 8 aida óńdelgen munai byltyrǵy osy kezeńdegiden 265 tonnaǵa artqan.
«Atyraý munai óńdeý zaýytynda 2010-2017 jyldary aýqymdy qaita jańǵyrtý júrgizilgen edi. Qaita jańǵyrtýdyń nátijesinde sapaly munai ónimderin shyǵarý kólemi ulǵaidy. Máselen, biylǵy 8 aida óńdelgen munai kólemi 3 521 026 tonnany qurady. Bul, 2020 jyldyń sáikes kezeńimen salystyrǵanda 265 myń tonnaǵa artyq. Osy kezeńde taýarly dizel otynyn shyǵarý 1 027 123 tonnaǵa jetip, byltyrǵydan 10,5 myń tonnaǵa artty.
Al, taýarly avtojanarmai óndirý 835 099 tonnany qurap, ótken jylǵy kórsetkishten 144 535 tonnaǵa ósti. Sondai-aq, RT markaly 82 949 tonna taýarly aviaotyn óndirildi. Bul byltyrǵy jyldyń sáikes kezeńimen salystyrǵanda 26 766 tonnaǵa kóp», - dep habarlady Atyraý munai óńdeý zaýytynyń qoǵammen bailanys bóliminen.
