Atyraý munai óńdeý zaýytyn jekeshelendirýdiń eki joly bar. Bul týraly Ómirzaq Shókeev málim etti, dep habarlaidy Ult.kz tilshisi QazAqparat agenttigine silteme jasap.
Kásiporynda bolǵan «Samuryq-Qazyna» AQ basqarma tóraǵasy Ómirzaq Shókeev zaýyt qyzmetkerlerimen kezdesý barysynda «jekeshelendirýdiń IPO perimetrinde jáne perimetrden tys - eki túrli nusqasy qarastyrylyp jatqanyn» habarlady.
«Eger jekeshelendirý IPO perimetrinen tys júzege assa, zaýyttyń taǵdyry «Qazmunaigaz» UK AQ Atyraý MÓZ qaryzyn ótei alýyna tikelei bailanysty bolmaq», - dep atap ótti Ó.Shókeev. - Másele mynada, zaýytty jańǵyrtý jumystary nesiege jasalǵan jáne bul qaryzdy qaitarý qajet. Eger qaryzdy óz moinyna alatyn jeke kásipker tabylsa, jaqsy bolar edi. Jeke tulǵaǵa birneshe shart qoiylatyn bolady, sonyń ishinde ishki naryqty qamtamasyz etý bar. Eger Atyraý MÓZ-di alǵysy keletin jeke tulǵa tabylsa, zaýytty qandai somaǵa satý kerek degen suraq týyndaidy. Biz endi baǵdarlama aldynda satylym máselesin qarastyrýymyz kerek».
Kópshilik Atyraý MÓZ «Qazmunaigaz» UK AQ quramynda qalǵanyn jón kórip otyr. Jáne kompaniia IPO-ǵa shyqqan kezde ǵana zaýytty jekeshelendirýge bolady, bul «Qazmunaigaz» UK AQ qunyn arttyrýy múmkin, dep habarlady Atyraý MÓZ baspasóz qyzmeti kásiporyndy jekeshelendirý túrleri týraly «QazAqparat» HAA saýalyna bergen jaýabynda.
