Foto: ©️ Tengrinews.kz / Turar Qazanǵapov
Atyraý halyq sanynyń ósýine bailanysty ekige bólinýi múmkin, - dep habarlaidy Tengrinews.kz saity.
"Atyraý turǵyndarynyń sany qazir 400 myńnan asty, kóbi qalany eki aýdanǵa bóletin ýaqyt jetti dep otyr. Ákimdik bul múmkindikti qarastyryp jatyr ma, eger solai bolsa, qashan júzege asady?", - dep surady jýrnalister OQK brifingi barysynda Atyraý oblysynyń ákimi Serik Shápkenovten.
Ákim bul másele qarastyrylyp jatqanyn rastady.
"Bizde Atyraý qalasyn damytýdyń bekitilgen jospary - Úkimet qaýlysymen bekitilgen Bas jospar bar. Jospar boiynsha halqyq sany ósken kezde ákimshilik-aýmaqtyq qurylymdy anyqtaýymyz kerek. Mine, sony qarastyryp jatyrmyz. Bizde Jaiyq ózeni bar, ol qalany eki bólikke bóledi, dál osy boiynsha qalany qalai ekige bólýge bolatyny týraly belgili bir paiymdaý bar", - dedi Serik Shápkenov.
Bul rette ol qala turǵyndarynyń pikirin eskerý qajet ekenin atap ótti.
"Sebebi qalanyń ózi sozylyp jatyr, qalanyń bir shetinen ortalyǵyna deiin biraz qashyqtyq bar, sondyqtan turǵyndardyń pikirimen sanasý kerek. Qalany bólý boiynsha turǵyndarǵa qolaisyzdyq týdyrmaýymyz kerek. Sondyqtan, shekaraǵa qatysty tujyrym bolǵan kezde bul máseleni mindetti túrde turǵyndardyń talqylaýyna shyǵaramyz jáne olardyń pikirin eskeremiz", - dep sendirdi ákim.
