Atyraý qalasynda 17 tamyzdan bastap qalaishilik 13 áleýmettik mańyzy bar marshrýt jolaýshylar tasymalyn qaita jańǵyrtady, dep habarlaidy "Ult aqparat" qala ákimdiginiń baspasóz qyzmetine silteme jasap.
Jelide qozǵalys jiiligi - 10-15 minýttan barlyǵy 85 avtobýs júredi. Avtobýstar saǵat 07:00-den 21:00-ge deiin qatynaityn bolady.
«Dúisenbiden bastap tek qalaishilik baǵdarlar júredi. Olardyń jumysyna birqatar jaǵdaida ǵana ruqsat etiledi. Naqtyraq aitqanda, jolaýshylar sany tek salondaǵy oryndyqtar sanyna sáikes bolýy tiis, betperde, sanitarlyq jáne dezinfektsiia rejimi saqtalýy kerek. Jol júrý aqysy kartamen tólenedi. Kondýktorlar jolaýshy sany men otyrý erejesin baqylaýy tiis. Salon jolaýshylarǵa tolǵan jaǵdaida, avtobýs aialdamalarǵa tek jolaýshylardy túsirý úshin ǵana toqtaidy, artyq adam almaidy.
Eger, sanitarlyq rejim tolyqtai saqtalsa 24 tamyzdan bastap qala mańynda qatynaityn avtobýstar da júre bastaidy», delingen habarlamada.
Qala turǵyndary áleýmettik qashyqtyqty saqtap, maska taǵýlary jáne antiseptikalyq quraldardy mindetti túrde qoldanýy tiis.
Aita keteiik, karantin engizilgenge deiin jolaýshylar tasymalymen 8 avtobýs parki ainalysty. Jalpy qalalyq parkte bekitilgen 26 marshrýt boiynsha 160 avtobýs bar.
