«Samuryq-Qazynamen» birge beibit maqsattaǵy atomdy damytýǵa máseleleri zerdelenedi. Bul týraly Memleket basshysynyń Joldaýyndaǵy tapsyrmalardy oryndaýǵa arnalǵan Úkimet otyrysynda Energetika ministri Nurlan Noǵaev aitty, dep habarlaidy QazAqparat.
«Memleket basshysynyń tapsyrmasyn oryndaý úshin ministrlik «Samuryq-Qazyna» UÁQ» AQ-men birlesip, beibit maqsattaǵy atomdy damytýǵa bailanysty máselelerdi zerdeleitin bolady. Atom salasynda bilikti kadrlardy daiarlaý salasynda ministrlik múddeli memlekettik organdarmen jáne uiymdarmen birlesip, atom salasynyń mamandyqtary boiynsha álemniń jetekshi joǵary oqý oryndarynda stýdentterdi oqytýǵa granttar men stipendiialar bólý jóninde jumys júrgizetin bolady», - dedi N. Noǵaev.
Onyń aitýynsha, Qazaqstan Respýblikasynda sýtegi energetikasyn damytý maqsatynda Energetika ministrligi sýtegi energetikasyn damytýdyń negizgi tásilderin aiqyndaityn bolady.
