Atom elektr stansasynyń qajettiligi birtindep arta beredi. Bul týraly QR Tuńǵysh Prezidenti – Elbasy Nursultan Nazarbaev aitty, dep habarlaidy QazAqparat.
«Bolashaqta «jasyl» ekonomikaǵa kóshý tek Qazaqstanǵa ǵana emes, sonymen birge búkil álemdik ekonomikaǵa yqpal etedi. Iá, biz - munai men gazdy óndiretin elmiz. Biraq, bul iste barynsha qýatty memleketterdiń biri ǵana emespiz. Máseleni baiyppen zerdeleý 2060 jylǵa deiin biz qalaǵanymyzben munaidan bas tarta almaityndyǵymyzdy kórsetip otyr. Sondyqtan da qazirdiń ózinde jel men kún energiiasynyń, «jasyl» ekonomikanyń quny onymen ainalysyp júrgenderdi barynsha qanaǵattandyrmaityndyǵyn kórsetedi. Keide jel soqpaidy, kún betin bult basady degen siiaqty», - dedi Elbasy «Astana klýb-2021» otyrysynda.
QR Tuńǵysh Prezidenti elimiz 2060 jylǵa qarai kómirtegi beitaraptyǵyna qol jetkizý mindettemesin alǵandyǵyn atap ótti.
«Qazirgi ýaqytta biz osy baǵytta jumys istep jatyrmyz. Jyl saiyn jel esebinen, kún esebinen energiia óndiretin jańa elektr stansalary iske qosylýda. Degenmen, túptep kelgende bul máseleni iadrolyq energetika sheshedi dep esepteimin. Qazaqstan álemde bastapqy ýrannyń 25 paiyzyn óndiredi jáne ishinara baiytady. Sondyqtan da ýran keni jáne iadrolyq elektr stansalary qajettiliginiń birtindep ulǵaia bastaiynyn sezinetin bolamyz», - dedi Nursultan Nazarbaev.
