Foto: Gov.kz
QR Eńbek jáne halyqty áleýmettik qorǵaý ministrligi ataýly áleýmettik kómekti (AÁK) proaktivti túrde taǵaiyndaý kezinde jasandy intellekt (JI) tehnologiialaryn paidalanýdy josparlap otyr, dep habarlaidy Ult.kz.
Bul bastama Memleket basshysynyń 2025 jylǵy 8 qyrkúiektegi Joldaýynda aitylǵan «Qazaqstandy úsh jyl ishinde tolyqqandy tsifrlyq memleketke ainaldyrý» strategiialyq mindetimen úndes.
Ministrlik áleýmettik-eńbek salasyndaǵy qyzmetterdi tsifrlandyrýda júieli jumys júrgizip keledi. Vitse-ministr Oljas Anafinniń aitýynsha, qazir Random Forest Classifier modeliniń kómegimen JI «oqytylyp» jatyr. Bul model túrli faktorlardy biriktire otyryp, sheshim qabyldaýdyń dáldigin arttyrady.
«Model keshendi validatsiiadan ótti, dáldik deńgeii 90%-dan asty. Bul onyń engizýge daiyn ekenin kórsetedi. Osylaisha, AÁK alýǵa quqyǵy bar adamdar avtomatty túrde anyqtalatyn bolady», – dedi vitse-ministr.
Aldaǵy ýaqytta tehnologiia pilottyq rejimde iske qosylady. Bastapqy kezeńde JI qabyldaǵan sheshimder usynymdyq sipatta ǵana bolady. Keiin olardy resmi sheshim qabyldaý ólshemsharttarynyń biri retinde qoldaný múmkindigi qarastyrylady.
Jobanyń ekinshi kezeńinde «kompiýterlik kórý» tehnologiiasy qosylady. Bul ótinimderge tirkelgen foto men beinematerialdardy taldaýǵa múmkindik berip, otbasynyń turmys deńgeiin neǵurlym obektivti baǵalaýǵa jol ashady.
Úshinshi kezeńde júie ár otbasyǵa arnalǵan jeke jospar ázirleýdi kózdeidi. Ol jospar óńirlik jáne aýdandyq deńgeide naqty qoldaý sharalaryn qamtyp, qiyn jaǵdaidan shyǵýǵa kómektesedi.
