QR Indýstriia jáne infraqurylymdyq damý ministri Beibit Atamqulov qurylys armatýrasynyń qymbattaý sebebin túsindirdi, dep habarlaidy "Ult aqparat".
«Biyl bul álemdik úrdis bolyp tur. Bizde de, kórshilerimizde de, jalpy álemde qurylys materialdaryna, qurylys armatýrasyna baǵa kúrt ósip ketti. Bul kóptegen eldiń pandemiiadan keiin ekonomikalyq daǵdarystan shyǵyp, qarqyndy qurylys júrgizip jatqanymen bailanysty», - dedi ministr Ortalyq kommýnikatsiialar qyzmetinde ótken baspasóz máslihatynda kelip túsken suraqqa orai.
Onyń atap ótýinshe, shikizat, metall synyqtarynyń baǵasy da kúrt qymbattady. Mundai jait álemniń barlyq elinde baiqalady.
«Naryq jyldam ósip barady. Onyń baǵasy 320-330 myń teńgeden 400 myń teńgege jetip qaldy. Degenmen, kórshi Reseimen salystyrǵanda baǵa aiyrmashylyǵy shamamen 5 paiyzdy quraidy. Armatýranyń úlken kólemin Reseiden satyp alyp otyrmyz. Ózimizdiń óndiris kólemimiz bar. Biraq, ol jetkiliksiz. Qurylys qarqyndy júrip jatyr. Osy jyly 17 mln sharshy metr turǵyn úi salýymyz qajet. Munyń barlyǵy baǵa parametrlerine áserin tigizedi», - dedi Beibit Atamqulov.
