Alǵashqy qazaqstandyq virtýaldy júrgizýshiniń prototipi – tanymal akter Sanjar Mádi, dep habarlaidy "Ult aqparat".
Jańa jobanyń shyǵarylýy týraly telearna direktory Qanat Sahariia óziniń Facebook paraqshasynda habarlady.
«Dostar, bizde Qazaqstan úshin tamasha jańalyq bar. Búgin bizdiń «Atameken Business» telearnasynda saǵat 14.00-15.00-de «Kúndizgi format» ýaqytynda biz biregei jobany, virtýaldy júrgizýshini iske qosamyz», - dep jazdy Qanat Sahariia.
«Jasandy intellektke negizdelgen baǵdarlamalyq jasaqtama teledidar júrgizýshisiniń aýdiovizýaldy beinesin jasai otyryp, mátindi grafika men dybysqa túrlendiredi. Virtýaldy júrgizýshi tanymal qazaqstandyq akter Sanjar Mádidiń obrazynda jasaldy, ol meniń bul biregei jobaǵa qatysý týraly usynysyma qýana jaýap berdi», - dedi bas direktor.
Onyń aitýynsha, bul jobaǵa bir jylǵa jýyq ýaqyt ketken.
«Qazaqstandyq baǵdarlamashylardyń tolyǵymen ázirlep shyqqan IT-ónimi — erekshe maqtanysh. Biz aldyn-ala habarlaǵan joqpyz, óitkeni bári óte kúrdeli jáne qaýipti boldy. Bizdiń jetistikke jetetinimizge eshkim kepildik bere almaidy. Qabyldanbaǵan materialdar kóp boldy, biraq biz ony aiaqtadyq. Grafikalyq artikýliatsiiany dybystyq jolmen úndestirý óte qiyn boldy», - dep jazdy Q. Sahariia.
Birinshi virtýaldy júrgizýshi Qytaida eki jyl buryn paida boldy. Qazaqstandyq virtýaldy telediktordy ISanj dep ataǵan. Arnanyń resmi paraqshasynda habarlanǵandai, ol búgin saǵat 14.00-de Bloomberg-ten «Kún formatynda» ekskliýzivti saraptama júrgizedi.
