Qyrǵyzstannyń burynǵy prezidenti Almazbek Atambaevtyń qyzy Aliia Shagieva ákesiniń ustalmaǵanyn aitty. Ol Instagram paraǵynda «Birinshiden, ákem eshqaida qashqan joq. Eshkim ony ustaǵan joq. «Ol qaýipsiz jerde» degen sóz – jalǵan. Ol Qoi-Tashta» dep jazdy.
7 tamyzda Bishkek ýaqytymen keshki saǵat segiz shamasynda arnaiy jasaq eks-rezident Almazbek Atambaevty ustaý operatsiiasy bastaǵan. Qyrǵyzstan memlekettik ulttyq qaýipsizdik komiteti operatsiia áli jalǵasyp jatqanyn habarlady. Atambaev jaqtastarynyń sózinshe, burynǵy prezident úiiniń ishinde otyr.
27 maýsymda Qyrǵyzstan parlamenti Almazbek Atambaevty eks-prezident jáne tiispeýshilik mártebesinen aiyrǵan. Keiin IIM Atambaevty tergeýge shaqyra bastady.
Qyrǵyzstannyń burynǵy prezidentine qyzmette júrip jemqorlyqqa jol berdi, ókiletin asyra paidalandy jáne zańsyz baiydy degen siiaqty jalpy sany bes aiyp taǵylǵan. Atambaev bul aiyptardyń bárin joqqa shyǵaryp, ústinen qozǵalǵan istiń saiasi astary bar dep málimdegen.
