Qyrǵyzstannyń eks-prezidenti Almazbek Atambaevqa aýyr diagnozy qoiyldy. Bul týraly saiasatkerdiń advokaty Zamir Jooshev málimdedi, - dep habarlaidy Tengrinews.kz.
Advokattyń aitýynsha, 1 sáýirde tekserý kezinde Atambaevqa júrektiń koronarlyq aýrýy, FK 2 kerneýiniń stenokardiiasy, ateroskleroz, koronarlyq arteriia kaltsinozy jáne basqa da birqatar diagnoz qoiylǵan.
"Jeke áńgime barysynda dáriger maǵan koronarlyq arteriia kaltsifikatsiiasy naýqastyń infarktqa deiingi jaǵdaiyn kórsetetinin túsindirdi", - dedi Zamir Jooshev.
Onyń aitýynsha, dárigerler Almazbek Atambaevqa otyrýdy shekteýge keńes bergen.
"14 sáýirde "Qoi-Tash" oqiǵalary boiynsha qylmystyq isti qaraityn sýdia Áziret Mederov eks-prezident Almazbek Atambaevtyń densaýlyq jaǵdaiyn anyqtaý boiynsha sot-meditsinalyq saraptama taǵaiyndaý týraly sheshim qabyldady.
Saraptama qorytyndysy boiynsha eks-prezident Almazbek Sharshenulyna Qyrǵyzstanda nemese shetelde tolyqqandy meditsinalyq em alý múmkindigi beriledi dep úmittenemin", - deidi advokat.
Aita keteiik, Almazbek Atambaevqa qatysty birneshe qylmystyq is qozǵalǵan bolatyn. Onyń ishinde 2019 jylǵy 7-8 tamyzda Qoi-Tash aýylyndaǵy tártipsizdikter, sybailas jemqorlyq jáne qylmystyq kiristerdi zańdastyrý dereketeri boiynsha.
