Qyrǵystannyń burynǵy prezidenti rezidentsiiasynda Atambaev bilikke berilýge kelisken kezde, Kýrsan Asanov pen Almazbek Atambaev ortasynda jatqan qyzǵylt paket áleýmettik jelilerde qyzý talqylanyp jatyr, - dep habarlaidy 24.kg.
Qoldanýshylar ishki ister ministriniń orynbasary Kýrsan Asanov kelissózder kezinde aqsha, altyn jáne gaýhar tastar salynǵan paketti alyp aldy degen videolar taratyp jatyr.
Anonim video avtorlarynyń aitýynsha, Kýrsan Asanov kelissózder barysynda paketti tergeýshilerge zattai dálel retinde berýdiń ornyna, ózine qaldyrǵan.
QSDP tóraǵasynyń orynbasary Kýndýz Joldýbaevanyń qorǵaýshysy Zamir Jooshev paket bastapqydan Almazbek Atambaevtyń zańgeri Sergei Slesarevke tiesili ekenin aitty.
"8 tamyzda burynǵy prezident Kýndýz Joldýbaevadan qujattar bar paketti advokatqa tapsyrýyn surady. Onda aqsha men baǵaly zattar múlde joq edi. Onda Almazbek Atambaevty qylmystyq ister sheńberinde qorǵaý úshin qajetti qujattar bolǵan. 8 tamyzda úiden shyqqan kezde, paketti Atambaevtyń oqqaǵary alǵan. Sodan keiin ol UQK aýmaǵynda boldy, óitkeni Atambaev sol jerge jetkizilgen, onyń janynda Kýndýz Joldýbaeva men memlekettik kúzet bolǵan. Almazbek Atambaev UQK qabyrǵasynda qaldy, al Kýndýz ben kúzetshini IIM ǵimaratyna jetkizildi", - dep jazdy Zamir Jooshev.
Eske salsaq, munyń aldynda Qyrǵyzstannyń burynǵy prezidenti Almazbek Atambaev kisi óltirgeni jáne basqa da asa aýyr qylmystary úshin ómir boiyna bas bostandyǵynan aiyrylýy múmkin ekeni habarlanǵan bolatyn.
Memlekttik ulttyq qaýipsizdik kómitetiniń basshysy Almazbek Atambaevqa memlekettik tóńkeris jasaýǵa daiyndaldy degen aiyp taqqan.
MUQK tóraǵasy Orozbek Opýmbaevtyń aitýynsha, Almazbek Atambaev pen onyń jaqtastary adamdarǵa, ásirese áielder men qarttarǵa aqsha berip janynda ustaǵan. "Ol memlekettik tóńkeriske daiyndalǵanyn ashyq málimdeimin. Atambaev shaqyrtýǵa kelmeitinin aitqanda, men "Alfa" arnaiy jasaǵyn paidalaný týraly sheshim qabyldadym", - dedi ol.
