Parlament Májilisiniń depýtaty Bekbolat Tileýhan bir ákeden taraǵan jandardyń bir-birne úilenýiniń aldyn alý úshin atalyq jáne analyq uryqtyń jalǵyz bir ǵana bazasy bolýy kerektigin aitty, dep habarlaidy "Ult aqparat".
selesine qai zamanda da nemquraily qaramaǵan. Tipti, arǵy atasyn bilmegendi «Jeti atasyn bilmegen – jetesiz» dep sókken. Osy oraida ekodonor máselesin kótermekpin», - dep toqtaldy depýtat Májilistiń jalpy otyrysynda Úkimet basshysynyń orynbasary Eraly Toǵjanovtyń atyna joldaǵan saýalynda.
Bul turǵyda ol zań boiynsha 35 jasqa deiingi er adam anonimdi túrde donor bola alatynyn eske saldy.
Deni saý, dene bitimi qalypty damyǵan, genetikalyq saraptamasy jaqsy bolsa atalyq uryǵyn tapsyra alady. Qansha ret tapsyrasyz óz erkińiz. Shekteý joq. Anketada júzi, rýy, boiy, salmaǵy, mamandyǵy kórsetiledi, boldy. Keiinnen, katalogtan kóńiline qonǵan adamdy tańdap alady. Statistikaǵa sensek, jyl saiyn tek bir klinikada dál osy jolmen 70 bala dúniege keledi eken. Bul – erteń elimizdiń túkpir-túkpirindegi qanshama otbasynda bir ákeden taraityn biraz ul-qyz boijetip, erjetip shyǵady degen sóz. Odan kóp bolýy da múmkin. Olar bilmestikten bir-birine úilenýi múmkin. Bir ákeden taraǵan jandardyń bir-birne úilenýiniń aldyn alý úshin, aýrý balalardyń sanyn azaitý úshin bul másele óte mańyzdy dep oilaimyz», - dedi B. Tileýhan.
Osy oraida ol bolashaq urpaqtyń densaýlyǵyn jáne teksizdikten saqtaý maqsatynda tiisti usynystar jasady.
«Qazaqstan boiynsha atalyq jáne analyq uryqtyń jalǵyz bir ǵana bazasy bolýy kerek. Donorlar da tek sol ortalyqqa tapsyryp, barlyǵy tek sol ortalyqtan ǵana alyp otyrýdy júieleý qajet. Ekinshiden, bir retten artyq donor bolýǵa ruqsat etpeý kerek. Bir donordyń uryǵyn eki adamnan artyqqa qoldanbaýdy, barynsha ashyqtyqty saqtaýdy qatań túrde retteýdi usynamyn», - dedi Bekbolat Tileýhan.
