Tegi italiialyq frantsýz dizaineri Per Karden 98 jasynda ómirden ozdy, dep habarlaidy BBC agenttigi.
Parijdiń mańynda qaitys bolǵan Karden sán áleminiń revoliýtsionerleriniń biri retinde tanylǵan edi. Sondai-aq onyń «kópirshik kóilegi» sonaý 1954 jyldyń ózinde tarihta qalǵan bolatyn.
Ol sonymen qatar sán biznesiniń izashary boldy: birqatar ónimderge óz atyn berip, olardan brend jasap shyqty.
Le Monde gazetiniń jazýynsha, Karden 1922 jyly 2 shildede Italiianyń Trevizo qalasyna jaqyn San-Badio-di-Kallaltada dúniege kelgen.
Ol Frantsiiada tiginshiniń shákirti bolyp jumys istep júrip bilim alǵan.
1940 jyldary Per Karden «Christian Dior» kompaniiasynyń kiim tigý atelesin basqarady, al 1950 jyly óziniń sán úiin ashady.
Ol óz isiniń úzdigi edi – «kópirshikti kóilekterdi» oilap tapty, «pret-a-porte» tujyrymdamasyn qurdy, birinshi bolyp erler kollektsiiasyn usyndy jáne «ýniseks» stiliniń negizin qalady.
Karden Frantsiiada jáne shetelde birqatar bedeldi marapattarǵa ie boldy, sonyń ishinde: Qurmetti legion, Óner jáne ádebiet, Italiianyń «Eren eńbegi úshin» ordenderi bar.
