Ataqty akter Jan-Pol Belmondo dúnieden ozdy

Jan-Pol Belmondo 1933 jyldyń 9 sáýirinde Frantsiianyń Nioii-siýr-Seninde dúniege kelgen. 

Ol alǵash ret rejisser Jan Liýk Godardyń «Na poslednem dyhanii» (1958 jyl) filminde oinap, Hamfri Bogarttyń jankúieri roli arqyly kópshilikke tanymal boldy. Al, 1959 jyly Belmondo Vittorio De Siktiń «Chochara» filminde basty róldi somdap, amerikalyq Oskar kinojúldesin ielendi.

Ártis kóbine Jan Liýk Godar, Lýi Mal, Fransýa Triýffo, Klod Shabrol sekildi «jańa tolqyn» rejisserleriniń filmderinde oinaǵan. Sondai-aq kommertsiialyq jobalarda da jii boi kórsetip júrdi.

Alǵashqy kartinalarynda ol búlikshil jastyń obrazyn jasap, qaitalanbas harizmasymen eýropalyq jastardyń súiikti akterine ainaldy. Keiin kóbinese komediialar men ekshn-filmderge túsken.

1971 jyly ol óziniń Cerito atty kinokompaniiasynyń negizin qalady.

2001 jyly instýlt alǵan Belmondo teatr men kinodaǵy jumysyn ýaqytsha toqtatýǵa májbúr boldy. Biraq 2008 jyly oralyp, Fransis Iýsterdiń "Chelovek i ego sobaka" filminde oinaǵan edi.

Al, 2015 jyly ol kinodaǵy mansaby birjola aiaqtalǵanyn málimdedi.

2019 jyldyń 14 shildesinde Frantsiia qurmet legionynyń ordenimen marapattalǵan.