«Ata jyrda árýaǵy bar qazaqtyń» atty mádeni shara uiymdastyryldy

Búgin Túrkistan oblysyndaǵy  "Uly dala eli" ortalyǵynda «Ata jyrda árýaǵy bar qazaqtyń» atty mádeni shara uiymdastyryldy, dep habarlaidy "Ult aqparat".

Sharanyń basty taqyryby - kúlli túrki halyqtaryna ortaq mura — «Er Edige - noǵaily dáýiriniń jyry» atty mýzykalyq albomyn jáne uly dalanyń dana filosofy Móńke bi kitabyn kieli Túrkistan halqyna tanystyrý.

Sharany oblystyq mádeniet, arhivter jáne qujattama basqarmasynyń basshysy Altynai Iýnisova ashyp, Elbasynyń "Rýhani jańǵyrý" baǵdarlamalyq maqalasy aiasynda atqarylǵan sharalar týraly «Araily Aqtóbe rýhani jańǵyrý jolynda» taqyrybymen Aqtóbe oblystyq «Rýhani jańǵyrý» baǵdarlamasyn basqarý ortalyǵynyń basshysy Nurlyhan Hasenov baiandap berdi.

S.Báiishev ýniversitetiniń professory Jumanazar Asan mýzykalyq albom jáne Móńke bi kitabynyń tanystyrylymyn jasasa, shara sońynda respýblikalyq baiqaýlardyń laýreaty Jeńis Elemesov "Er Edige" jyrynan úzindi oryndap berdi.

Aldaǵy ýaqytta óńirler arasynda mundai sharalar oń nátijesin beretini sózsiz.