Elimizdiń eń ulyq merekeleriniń biri – Konstitýtsiia kúnine orai Taldyqorǵan qalasyndaǵy I. Jansúgirov atyndaǵy Mádeniet saraiynda saltanatty jiyn ótip, kópshilikke merekelik kóńil-kúi syilady. Aldymen Qazaqstan Respýblikasy Konstitýtsiiasyna arnalǵan beinerolikti tamashalaǵan qala turǵyndary men qonaqtary oblys basshysy Amandyq Batalovtyń quttyqtaýyn tyńdady.
– Qurmetti jetisýlyqtar! Sizderdi táýelsiz Qazaqstannyń basty tiregi, senimdi simvoly – Konstitýtsiia kúnimen shyn júrekten quttyqtaimyn! Elimiz búginge deiin tarih tolqynynda qanshama uly ózgeristerdi basynan keshirdi. Qasym hannyń qasqa jolynan bastap ár dáýirde óz qoǵamyna, ómir súrý saltyna laiyqtap zań jinaqtaryn jasady. Búgingi táýelsiz Qazaqstannyń Konstitýtsiiasy da sol altyn arqaýdy úzbei jalǵastyra otyryp, jańa zaman, ozyq úlgi, tyń talapqa laiyq jumys isteýde, – dep sóz bastaǵan oblys ákimi budan soń Jetisý jerindegi jetistikter men kórsetkishter jaiynda aityp ótip, áleýmettik máselelerdiń qalai sheshimin taýyp jatqandyǵyn áńgimeledi. – Tuńǵysh Prezidentimiz Nursultan Əbishuly Nazarbaevtyń tikelei basshylyǵymen ázirlengen elimizdiń jańa Konstitýtsiiasy búginde demokratiialyq, quqyqtyq jəne əleýmettik memleket retinde damýymyzǵa qolaily jaǵdai jasap otyr. Elbasymyzdyń: «Eń bastysy, kim ekenine qaramastan, ər adam Konstitýtsiia qaǵidalaryn qatań saqtaýǵa mindetti. Bizdiń bərimizdiń zańdy bilýimiz mańyzdy. Al olardy oryndaýdyń mańyzy odan da zor», – degen sózinen Ata Zańnyń salmaǵyn tereń uǵa túsemiz. Eldiń basty qujaty, kieli kitaby sanalatyn Konstitýtsiia ár azamatqa ózin jeke tulǵa retinde damytýǵa, erkin bilim alýǵa, qalaýynsha eńbek etýge, kásippen ainalysýǵa, rýhani jáne materialdyq igilikterge qol jetkizýge múmkindik berip otyr. Sondyqtan da ystyq meken, jyly uia, ortaq Otanymyz Qazaqstanda ómir súrý – biz úshin zor maqtanysh!
Konstitýtsiiamyzdyń «Biz, Qazaqstan halqy» dep bastalýynyń ózi memleketimizde el birliginiń, halyqtar dostyǵynyń negizgi qundylyq ekenin aiǵaqtaidy. Basty Zańymyz barshamyzdy tatýlyqqa, eljandylyqqa, bir-birimizge qurmetpen qaraýǵa shaqyrady. Táýelsizdiktiń 30 jylǵa jýyq tarihy Ata Zańymyz aiqyndaǵan osy baǵytymyzdyń durys ekenin kórsetip otyr. Búginde Qazaqstan bedeldi, órkendeý jolyna túsken, tarihy, tili, mádenieti qalyptasqan, álem kartasynan berik oryn alǵan memleketke ainaldy. Sol jetken jetistikterimizdi, Elbasynyń salyp bergen sara jolyn jalǵastyrýǵa, Strategiiasyn odan ári nyǵaitýǵa Prezidentimiz Qasym-Jomart Kemeluly Toqaev bárimizdi jumyldyryp otyr. Osy ortaq iske atsalysyp, belsene úles qosý – basty mindetimiz.
Amandyq Ǵabbasuly budan keiin oblys ekonomikasyndaǵy jetistikter jaiynda aityp ótti. Onyń aitýynsha, óńirge 263,1 milliard teńgeniń investitsiiasy tartylyp, 23 myńǵa jýyq jumys orny ashylǵan. Kópbalaly analar men az qamtylǵan otbasylarǵa qoldaý kórsetýge basa nazar aýdarylyp, osy maqsatqa jergilikti biýdjetten 3,4 milliard teńge bólinip otyr. Odan bólek, arnaiy Áleýmettik karta jasalyp, qoldaýdyń naqty túrleri júzege asyryla bastaǵan. Osyǵan orai kópbalaly analar men az qamtylǵan otbasylardyń balalarynyń qoǵamdyq kólikte tegin júrýine, balabaqsha men mektepte ystyq tamaq ishýine múmkindik qarastyrylǵan. Sondai-aq, «Nur Otan» partiiasynyń XVIII sezinde berilgen tapsyrmalardy oryndaý úshin respýblikalyq biýdjetten qosymsha 5,6 milliard teńge bólinip otyr. Bul qarjy kópbalaly otbasylardy baspanamen qamtamasyz etýge jumsalady.
Osyndai igilikti isterdiń arqasynda biyl oblysta 672 kópbalaly otbasy turǵyn úi alady. Odan bólek, jergilikti demeýshiler óz qarjylaryna kópbalaly otbasylarǵa 135 jeke úi men páter áperip, eldiń rizashylyǵyna bólendi. «Nurly jer» baǵdarlamasy aiasynda áleýmettik jaǵynan az qamtylǵan turǵyndardy jaldamaly úimen qamtamasyz etý úshin biyl biýdjetten 8,7 milliard teńge bólinip, turǵyn úiler salynyp jatyr. Biyl sol qarjyǵa 284 kópqabatty turǵyn úi paidalanýǵa beriledi.
Osyndai jetistikterdi tanystyrǵan aimaq basshysy kópshilikti merekemen quttyqtap, jumysqa jańa qabyldanǵan memlekettik qyzmetkerlerdiń ant berý rásimine kýá boldy. Jas qyzmetkerlerdiń jumysyna sáttilik, isine tabys tilegen Amandyq Ǵabbasuly óz ómirinen estelik aityp, jastarǵa ystyq lebiz bildirdi. Sondai-aq, oblystyń áleýmettik-ekonomikalyq damýyna úles qosqan qyzmetkerler oblys ákiminiń Qurmet gramotasymen jáne Alǵys hatymen marapattaldy.
Saltanatty jiyn sońy jergilikti ónerpazdardyń kontserttik baǵdarlamasyna ulasty.
Mádi ALJANBAI
