© Photo: Túrkistan oblysynyń óńirlik kommýnikatsiialar qyzmeti
Ata-analar oqý jylyn uzartýǵa qarsy petitsiia ázirleýge kiristi. Bul týraly Májilis depýtaty Irina Smirnova málimdedi, dep habarlaidy Sputnik Qazaqstan saity.
Depýtattyń aitýynsha, oqý jylyn uzartý – bul voliýntaristik ákimshilik sheshim.
"Men ózim muǵalimmin, sondyqtan bilim salasyndaǵy sarapshy retinde buny kásibi sheshim dep aita almaimyn. Onyń artynda eshqandai ǵylymi negiz joq. Bizdiń balalarymyz basqa eldermen salystyrǵanda kúnine 4 saǵat emes, 6-7 sabaq oqidy. Al sabaqtardyń sanyn eseptesek, onyń kólemi sheteldegi oqý jylynyń uzaqtyǵyna tolyǵymen sáikes keledi", - dedi Smironova jýrnalisterge bergen suhbatynda.
Osy oraida depýtat balalardyń jazda demalatyn ýaqytyn esepke almaý qajettigin erekshe atap ótti. Sebebi shetelde oqýshylar qysta da ailap demalady.
"Sheteldiń oqýshylary jyldyń basqa ýaqytynda taǵy demalýy múmkin. Al bizdi jańylystyryp jatyr, durys sheshim qabyldadyq dep sendirip otyr. Bul qate sheshim boldy. Biz ony talai ret aittyq. Biraq ol sheshimdi Oqý-aǵartý ministrligi qabyldaýy qajet. Qazir ata-analar petitsiia daiyndap jatyr. Onyń áseri bolady degen senimdemin", - dep atap kórsetti Smirnova.
Esterińizge sala keteiik, biyl oqý jyly 1 maýsymda aiaqtalady.
