Parlament Májilisiniń jalpy otyrysynda palata depýtattary «Qazaqstan Respýblikasynyń keibir zańnamalyq aktilerine balalardy densaýlyǵy men damýyna zardabyn tigizetin aqparattan qorǵaý máseleleri boiynsha ózgerister men tolyqtyrýlar engizý týraly» zań jobasyn birinshi oqylymda maquldady, dep habarlaidy QazAqparat.
«Bul zańnyń naqty jumys isteýi ata-analarǵa, olardyń óz balalary, nemereleri úshin jaýapkershiligine tikelei qatysty. Mektepterde «aq internetti» qansha jerden engizsek te, biraq ata-analar balasynyń tárbiesine tiisinshe kóńil bólmese, iaǵni ne kórip júrgenine, qai kezde teledidar aldynda otyrǵanymen isi bolmasa, óziniń kompiýterin balalarynyń betaldy ashyp otyrýyna jol berip otyrsa, gadjetin kez kelgen jerge tastai salatyn bolsa, sondai-aq tipti balasyna jany ashyǵandyqtan nemese jubatý úshin kóńilin aýlaýǵa qolyna smartfonyn berse, onda bul zańnan naqty nátije shyǵýy óte qiyn», - dep atap ótti depýtat Saýytbek Abdrahmanov zań jobasyn taqylaý barysynda.
Osy oraida ol ata-ananyń jaýapkershiligi óte mańyzdy ekenin, sondyqtan Qazaqstan halqy osy máselelerdi eskerýi qajet dep qadap aitty.
Zań jobasynda Qazaqstan Respýblikasynyń 1 kodekske jáne 3 zańyna ózgerister men tolyqtyrýlar engizý kózdelgen.
