videodan alynǵan kadr
QR Tótenshe jaǵdailar ministri Syrym Sháriphanov Almatydaǵy órt týraly pikir bildirip, biik úige arnalǵan avtobaspaldaq týraly aitty, dep habarlaidy QazAqparat agenttigi.
1 tamyzda Almatyda 16 qabatty úi órtengen edi. Amaly qalmaǵan turǵyndar balalaryn terezeden laqtyryp, keiin ózderi de sekirýge májbúr bolǵan.
«Avtobaspaldaq bar, biz 16-qabattan adamdardy evakýatsiialaýǵa múmkindik beretin úsh avtobaspaldaq qoiǵan edik. Qurylysshylardyń kómegine kelsek, olar jaqyn jerde – turǵyn úi kesheninen 300 metr qashyqtyqta bolǵan jáne tezirek kómekke kelgen. Bizdiń bólimsheler 8 minýtta kelip, talaptarǵa sáikes jumys istedi», - dep túsindirdi Serik Sháriphanov Úkimet kýlýarynda.
Onyń aitýynsha, keibir turǵyndardyń terezeden sekirýi – asyǵystyq saldary. Olar dúrbeleńge boi aldyrǵan.
«Olar sekirgen soń, birer minýttan keiin bizdiń qyzmetkerler osy páterlerge kirip, adamdardy evakýatsiialady. Atap aitqanda, sekirgen áielderdiń egde jastaǵy týysy qutqaryldy. Ózderińiz kórip otyrǵandai, balkonǵa shyǵyp, tútin kirmeýi úshin esikti jaýyp, kútýge bolar edi. Kóptegen adamdar siiaqty qutqarýshylardyń kómegin kútý kerek edi», - dep tolyqtyrdy ministr.
Aita keteiik, buǵan deiin habarlanǵandai, 2024 jyldan bastap Tótenshe jaǵdailar ministrligi salynyp jatqan úilerdiń órt qaýipsizdigin tekserýdi bastaidy.
