AQSh, Konnetikýttegi Iel ýniversitetiniń astronomdar komandasy Gavai araldarynda Kek atyndaǵy observatoriiada 2I/Borisov kometasyn sýretke túsirip aldy, dep habarlaidy «Vse o kosmose» saity.
Sýrette kometanyń quiryǵynyń uzyndyǵy 160 000 shaqyrym ekeni kórinip tur. Bul Jerdiń diametrinen 14 ese úlken jáne bizdiń ǵalamsharymyzdan Aiǵa deiingi qashyqtyǵy 40 protsentten asady, delingen habarlamada.
«Biz Jer men kometany bir sýretke ornalastyrsa, Jerdiń qanshalyq kip-kishkentai bolatyndyǵyn kórip, tańǵaldyq», - dedi Iel ýniversitetiniń astronomiia professory Piter van Dokkým óz málimdemesinde.
Atalǵan kometany tamyz aiynyń sońynda áýesqoi astronom Gennadii Borisov ashty. Nysannyń jyldamdyq taldamasy men traektoriiasy onyń Kún júiesiniń syrtynan keletinin kórsetip otyr, iaǵni bul 2017 jyldyń qazan aiynda alǵash ret baiqalǵan jumbaq asteroid Oýmýamýadan keiingi juldyzaralyq keńistiktegi ekinshi «qonaq».
Borisov kometasynyń bolashaǵy orasan. Ol qazirge deiin Kún júiesinde júr, al onyń orbitasynyń perigeliii (Kúnge eń jaqyn núktesi) 8 jeltoqsanda bolady dep kútilýde. Sodan keiin úsh apta ótken soń kometa Jerge jaqyndamaq.
