Saryarqa aýdanynyń ákimi bolyp Erǵali Egemberdi taǵaiyndaldy, dep habarlaidy "Ult aqparat" elorda ákimdiginiń resmi saityna silteme jasap.
Astana ákimi Baqyt Sultanov qalalyq máslihatqa Saryarqa aýdany ákiminiń qyzmetine Erǵali Egemberdiniń kandidatýrasyn usyndy. Qala ákimi usynǵan kandidatýrany depýtattar biraýyzdan maquldady.
Elorda ákimi Erǵali Egemberdiniń respýblikada óńirlik jáne ortalyq memlekettik organdardaǵy kásiptik jumys tájiribesin atap ótip, ony jańa qyzmetke taǵaiyndalýymen quttyqtady.
«Erǵali Egemberdi memlekettik qyzmette biraz jumys istedi. Ol ózin jaýapkershiligi mol ári óz jumysyn biletin jetekshi retinde tanyta bildi. Jańa ákim óz mindetin jaqsy atqarady dep oilaimyn», – dedi Baqyt Sultanov.
Erǵali Qýandyquly Egemberdi Shymkent qalasynda 1977 jyly dúniege kelgen.
Qazaq memlekettik zań akademiiasyn, L.I. Gýmilev atyndaǵy Eýraziia ulttyq ýniversitetin, EUÝ Diplomatiialyq akademiiasyn, Boston ýniversitetin (AQSh) támamdaǵan. Ol – «Bolashaq» baǵdarlamasynyń túlegi, memlekettik basqarý magistri, saiasi ǵylymdardyń kandidaty.
Eńbek jolyn 1998 jyly Astana qalasy ákimdiginde Qarjy departamentiniń bas mamany bolyp bastady.
2001–2004 jyldar aralaǵynda Astana qalasy ákimi apparaty memlekettik-quqyqtyq bóliminiń bas mamany, «Astana – jańa qala» EEA bóliminiń basshysy, elordanyń saýda basqarmasy basshysynyń orynbasary, Astananyń turǵyn úi departamenti basshysynyń orynbasary bolyp jumys istedi.
2004–2006 jyldar aralyǵynda – Astana qalasy Saryarqa aýdany ákiminiń orynbasary. 2006 jyly Qaraǵandy oblysy bir rettik talondardy berý basqarmasynyń basshysy qyzmetine taǵaiyndaldy.
2007 jyly – Qaraǵandy qalasy ákiminiń orynbasary. 2008 jyly – Qaraǵandy qalasy Qazybek bi aýdanynyń ákimi.
2009–2010 jyldar aralyǵynda – Qaraǵandy oblysy ákimi apparatynyń basshysy.
2010–2012 jyldar aralyǵynda Qazaqstan Respýblikasy Premer-Ministri Keńsesiniń uiymdastyrý jumysy jáne aýmaqtyq damý bóliminiń bas inspektory qyzmetin atqardy.
2012 jyly Qazaqstan Respýblikasy Májilisi apparatynyń basshysy boldy.
2012–2014 jyldar aralyǵynda – Qazaqstan Respýblikasy Eńbek jáne halyqty áleýmettik qorǵaý vitse-ministri.
2014–2017 jyldar aralyǵynda – Qazaqstan Respýblikasy Densaýlyq saqtaý jáne áleýmettik qorǵaý vitse-ministri.
2017 jyldan 2018 jylǵa deiin – Astana qalasy ekonomika jáne biýdjettik josparlaý basqarmasynyń basshysy.
2018 jyldan 2019 jylǵa deiin – Qazaqstan Respýblikasy Prezidenti Ákimshiligi Memlekettik baqylaý jáne aýmaqtyq-uiymdastyrý jumysy bóliminiń memleketik inspektory.
4 mereitoilyq jáne «Eren eńbegi úshin» tósbelgilerimen marapattalǵan. Úilengen, tórt balany tárbieleýde.
