Ulttyq ekonomika ministri Rýslan Dálenov elorda ataýyn ózgertýge qansha teńge jumsalatyny ázirge belgisiz ekenin aitty, dep habarlaidy Sputnik Qazaqstan tilshisi.
Dálenovtiń aitýynsha, elorda ataýyn ózgertýge qansha aqsha jumsalatyny áli belgisiz.
"Eseptegen joqpyz, biraq qolda bar aqshanyń, biýdjettiń sheginde dep oilaimyn", - dedi ministr Parlament palatalarynyń birlesken otyrysynan keiin.
Ol Astana ataýyn ózgertýge jumsalatyn qarjy somasy keiin jeke habarlanatynyn aitty.
"Túsinesizder me, ataýdy ózgertý birden bola salatyn dúnie emes. Eger qujat, tólqujat, mańdaishalardaǵy ataýlardy surap tursańyzdar, munyń bári josparly tártippen júzege asyrylady", - dedi ministr.
Aita ketsek, búgin Parlament palatalarynyń birlesken otyrysy ótip, depýtattar Astananyń ataýyn Nursultan dep ózgertýge baǵyttalǵan, Qazaqstan Konstitýtsiiasyna ózgerister engizý týraly zań jobasyn eki oqylymda da maquldady.
