Astanany gazdandyrý qalanyń shetki aýdandarynan bastalady, dep habarlaidy "Ult aqparat" qala ákimdiginiń saityna silteme jasap.
Jobaǵa sai birinshi kezekte kógildir otynmen qalalyq JEO, Kóktal-1, Kóktal-2, Temirjol turǵyn alaptary men Ońtústik-shyǵys aýdany qamtylady.
Qalalyq Otyn-energetikalyq keshen jáne kommýnaldyq sharýashylyq basqarmasynyń málimetinshe, Astanany gazdandyrý jobasy 3 kezekten turady. Birinshi kezek aiasynda gaz AGTS-1-den JEO-1 jáne JEO-3-ke, AGTS-2-den JEO-2-ge, gaz taratýshy jelilerden Kóktal-1, Kóktal-2, Temirjol turǵyn alaptaryna jáne Ońtústik-shyǵys aýdanyna taratylady.
Jobanyń ekinshi kezeńi otyndy gaz taratýshy jelilerden Michýrino, Internatsionalnyi, Kúigenjar, Telman, Prigorodnyi, Garden Village, Family Village turǵyn alaptaryna jetkizýdi qarastyrady.
Úshinshi kezekte Ilinka, Shubar, Óndiris turǵyn alaptary gazdandyrylatyn bolady. Osy jyldyń II toqsanynda I kezektegi gaz taratý jelileriniń qurylysy bastalady dep josparlanýda.
Qarjylandyrýdyń bólinýine qarai Kóktal-1,2, Temirjol jáne Ońtústik-Shyǵys turǵyn úi alaptary 2019-2023 jyldar aralyǵynda gazdandyrylmaq.
Astanany gazdandyrý respýblikalyq jáne jergilikti biýdjet, sondai-aq jeke investitsiialar qarajaty esebinen júzege asyrylǵaly otyr. Qalany gazdandyrý sheńberinde Astana ákimdiginiń quzyretine gaz taratý jelileriniń qurylysy kiredi.
