Nur-Sultan qalasynyń ákimi joǵary jáne joǵary oqý ornynan keiingi mekemelerde bilim alý úshin 2020-2024 jyldarǵa 793 grant bóldi, dep habarlaidy "Ult aqparat" elorda ákimdiginiń resmi saityna silteme jasap.
Eske salaiyq, 2018 jyldan bastap elorda ákimdigi qala úshin asa qajet mamandyqtar boiynsha JOO-larǵa memlekettik tapsyrysty ornalastyra bastady. Osyǵan orai, qala ákiminiń tóraǵalyǵymen táýelsiz komissiia qurylyp, oǵan qalalyq basqarmalardyń, qoǵamdyq uiymdardyń basshylary men kásipkerler palatasynyń ókilderi kirdi.
«Nur-Sultan qalasynyń ákimi 2020-2024 jyldarǵa joǵary jáne joǵary oqý ornynan keiingi bilim alýǵa 793 grant bóldi. Konkýrstyq komissiianyń qorytyndysy boiynsha, mamandardy daiarlaýǵa memlekettik bilim berý tapsyrysy ornalastyrylatyn joǵary oqý oryndarynyń tizimi anyqtaldy», - dedi ákimdikten.
JOO-lar tizimi, mamandyqtar jáne bólingen granttar sanyna qatysty aqparatpen ákimdik saitynda tanysýǵa bolady.
Qujattar joǵary bilim alý úshin 10-20 tamyz aralyǵynda, joǵary oqý ornynan keiingi bilim alý úshin 24 tamyz - 2 qyrkúiek aralyǵynda qabyldanady.
