“Qara shańyraq” QB qyrkúiektegi “Otbasy kúni” qarsańynda jas otbasylar arasynda “QAZAǴYMNYń DÁSTÚRLERI-AI” qalalyq saiysyn ótkizbek.
Qoldaýshysy: Astana qalasy Tilderdi damytý jáne arhiv isi basqarmasy.
SAIYSTYŃ EREJESI
Qalalyq saiys Astana qalasynyń jáne oǵan irgeles aýyldardyń aýmaǵynda turatyn, shańyraq kótergenderine 1-5 jyl aralyǵyndaǵy jas otbasylardyń arasynda ótkiziledi.
Baiqaý kezeńderine qajetti taqyryptyq rekvizitter qatysýshy jaq tarapynan tolyqtai qamtamasyz etilýi tiis.
Saiystyń maqsaty men mindetteri:
- Qazaq halqynyń salt-dástúrlerin, ádet-ǵuryptaryn zamanǵa sai jańǵyrtý, jastar arasynda nasihattaý;
- Otbasy institýtynyń mártebesin kóterý, irgesin nyǵaitý;
- Dástúrli otbasylyq qundylyqtardy jastar arasynda dáripteý;
- Jas otbasylardyń qoǵamdyq belsendiligin arttyrý.
Qatysýǵa ótinish 2023 jyldyń 15 tamyzyna deiin «Qarashańyraq» qoǵamdyq birlestiginiń elektrondy poshtasyna (qarashanyraq01@gmail.com) bekitilgen úlgi (1-qosymsha) boiynsha jiberiledi.
SAIYS 3 KEZEŃNEN TURADY:
I. «BIZDIŃ OTBASYNYŃ BIR KÚNI» – BEINESAIYS.
Baiqaýǵa qatysýshynyń bir kúndik tynys-tirshiligin tanytatyn, uzaqtyǵy 2 minýttan aspaityn, sapaly túsirilgen (720r,1080r) beinematerial qatysýǵa beriletin ótinishpen aldyn-ala, aǵymdaǵy jyldyń 25 tamyzyna deiin joldanýy tiis.
Eskertý: Ol beineroliktiń bári saiysta kórsetilmeidi, aldyn-ala qazylar alyp, ólshemshartqa sai baǵalaidy.
Tek jeńimpaz otbasynyki sońynda kórsetiledi.
Beinesaiysty baǵalaý qaǵidalary
1. Taqyryptyń ashylýy
2. Beineniń sapasy
3. Dybystyń sapasy
4. Hronometraj talabyna sai kelýi
5. Montaj kreativtiligi
II. «ON SAÝSAQTAN ÓNER TAMǴAN» – OTBASY MÚShELERINIŃ QOLÓNERI.
Atalǵan kezeńde eri men zaiybynyń ázirlep ákelgen dúnieleri nazarǵa usynylady. Kelinshekter umyt bola bastaǵan ulttyq dámderden as ázirlep ákelip usynsa, joldasy qazaq qolóneriniń er azamattarǵa tán úlgisin daiyndap ákelýi tiis.
Erli-zaiyptylar óz ónimderin qalai daiyndaǵanyn senimdi túrde túsindire alýy tiis. (Mysaly, kelinshegi ulttyq taǵamnyń tarihyn, daiyndalý joldaryn túsindirýi qajet.
Eri qamshy órý, teńge soǵý, zergerlik óner, aǵash buiymy, músin jasaý, t.s.s. dástúrli óner buiymynyń tarihy men ázirlený jolyn baiandai alýy tiis).
Eskertý: Bul saiys ta negizgi shara bastalǵanǵa deiin baǵalanady. Qazylar sahnanyń aldyndaǵy arnaiy ústelderge qoiylǵan ár taǵam men buiymnyń qasyna kelip, kórip, tanysa alady, sol boiynsha baǵalaidy.
III. «ÓNER, BILIM BAR JURTTAR» – NEGIZGI ShYǴARMAShYLYQ KEZEŃ. Bul kezeń úsh bólimnen turady.
Birinshi bólim: Ózin-ózi tanystyrý
Bul bólimde qatysýshy ózin kez-kelgen janr arqyly tanystyra alady. Ol qara óleń, án, teatrlandyrylǵan kórinis jáne t.b. bolýy múmkin.
Beriletin ýaqyt: 2-3 minýt.
Ekinshi bólim: Ziiatkerlik saiys
Bul bólimde qatysýshylarǵa tarih, etnografiia, salt-dástúr, folklor, maqal-mátel boiynsha suraqtar qoiylady. (Led-ekrandaǵy nómirler astynan suraqtar shyǵýy múmkin. Nemese qorjynnan asyq alyp, sondaǵy nómirge sai suraqty oqyp, jaýap beredi).
Daiyndalý ýaqyty – 1 min.
Jaýap berý ýaqyty – 1 min.
Úshinshi bólim: Óner saiysy
Bul bólimde qatysýshy otbasy qundylyǵy men arman-maqsatyn aiqyndaityn ózi tańdaǵan janr (án aitý, ulttyq aspaptarda oinaý, bi, sahnalyq qoiylym, óleń oqý) boiynsha óner kórsetýi tiis.
Beriletin ýaqyt: 3-4 minýt.
Eskertý: Óner kórsetýge qajetti barlyq rekvizitter qatysýshy jaq tarapynan uiymdastyrylýy qajet.
Qazylar alqasynyń sheshimi boiynsha jeńimpazdar arnaiy nominatsiialar diplomdarymen jáne baǵaly syilyqtarmen marapattalady.
📞Barlyq qosymsha suraqtar úshin:
Ýatsapqa jazý: 8771 124-87-51 (Sandýǵash)
SAIYS EREJESINE N1-qosymsha
Jas otbasylar arasyndaǵy«Qazaǵymnyń dástúrleri-ai» qalalyq saiysyna qatysý ótinimi
✒️1. Otbasy músheleriniń tolyq aty-jóni
✒️ balalarynyń sany, aty-jóni
✒️2. Otbasynyń qysqasha portfoliosyna Gýgl-diske silteme
✒️Portfolio quramy:
• Neke kýáliginiń kóshirmesi
• Jeke kýálikteriniń kóshirmesi
• Sýretteri (2-3 sýret)
• Jetistikteri (diplomdary)
✒️3. Saiysqa qatysý maqsaty (2-3 sóilem)
✒️4. Bailanys koordianty
(telefon nómiri, ýatsap, elektrondy poshtasy)
Al, qanekei, jas otbasylar, qapy qalmańyzdar, saiysqa qatysyńyzdar!
