Foto: Aqorda
Astanada Qazaqstanǵa resmi saparmen kelgen Iran Islam Respýblikasynyń Prezidenti Masýd Pezeshkiandy qarsy alý rásimi ótti, dep habarlaidy Ult.kz.
Aqordada Memleket basshysy Qasym-Jomart Toqaev pen Iran Prezidenti ekijaqty kelissózder júrgizdi.
Resmi qabyldaýda Qasym-Jomart Toqaev Pezeshkiannyń Qazaqstanǵa alǵash ret resmi saparmen kelýiniń mańyzyn atap ótti.
«Asa qurmetti Prezident myrza, Qazaqstanǵa qosh keldińiz! Qazaqta “Kórshi tatý bolsa – qut” degen sóz bar. Qazaqstan Irandy jaqyn ári baýyrlas kórshi, Orta Shyǵystaǵy senimdi seriktes dep biledi. Qiyndyqtarǵa qaramastan qarym-qatynasty úzgen joqpyz. Qazaq-iran bailanysynyń tamyry tereńde jatyr. Aramyzda sheshilmegen másele joq, sondyqtan áriptestigimizdiń keleshegi zor. Saýda-ekonomikalyq bailanys ta artyp keledi – biylǵy 10 aida kórsetkish 40 paiyzǵa ósti. Bul qarqyn toqtamaýy tiis», – dedi Prezident Qasym-Jomart Toqaev.
Óz kezeginde Iran basshysy Qazaqstanǵa saparynyń simvoldyq jáne strategiialyq máni bar ekenin atap ótti.
«Tarihy tereń, mádenieti bai baýyrlas Qazaqstanǵa kelgenime qýanyshtymyn. Kóptegen baǵytta yntymaqtastyǵymyz qarqyndy damyp keledi. Saiasi, ekonomikalyq, mádeni jáne qaýipsizdik salalaryndaǵy yqpaldastyqtyń áleýeti óte joǵary», – dedi Masýd Pezeshkian.
Sapar barysynda taraptar ekijaqty áriptestikti nyǵaitý, saýda ainalymyn ulǵaitý, óńirlik qaýipsizdik pen kólik-logistika baǵyttaryn damytý máselelerin talqylaǵany habarlandy.
