Foto: © Sputnik / Vladislav Vodnev
Narazylyq bildirip, Astanaǵa deiin barǵan «BerAli Mańǵystaý kompaniiasy» JShS-nyń burynǵy qyzmetkerleri basqa kompaniiada jumys isteýge kelisti, dep habarlaidy "Ult aqparat".
"Ózenmunaigaz" AQ málimetinshe, júrgizilgen jumystardyń nátijesinde "BerAli Mańǵystaý kompaniiasy" JShS-nyń burynǵy qyzmetkerlerimen kelisimge qol jetkizildi. Olar "Móldir Munai Servis" JShS-ǵa jumysqa ornalasý týraly osyǵan deiingi usynysty qabyldaǵan.
"Atalǵan kompaniiaǵa jumysqa aýysqannan keiin "BerAlidiń" burynǵy jumysshylary úshin burynǵy eńbek jaǵdailary tolyqtai saqtalady.
Kompaniianyń eks-qyzmetkerlerin jumysqa ornalastyrý sharalary "QazMunaiGaz "UK" AQ qaǵidalary sheńberinde qatań túrde júrgiziledi.
"Ózenmunaigaz" AQ barlyq máselelerdi qoldanystaǵy zańnama sheńberinde sheshýdi qoldaidy jáne soǵan shaqyrady" - delingen resmi habarlamada.
