Foto: egemen.kz
Astanadaǵy kóshelerdiń birine burynǵy premer-ministr Nurlan Balǵymbaevtyń esimi beriledi, - dep habarlaidy Tengrinews.kz.
Memleket qairatkeriniń esimi Túrkistan kóshesinen bastalyp, Uly Dala kóshesinde aiaqtalatyn nómiri № 29/1 ataýsyz kóshesine beriledi. Bul sheshim Astananyń onomastika komissiiasynyń otyrysynda qabyldanǵan.
"Nurlan Balǵymbaev - qazirgi zamanǵy talaptarǵa sáikes eldiń munai jáne gaz ónerkásibin damytý, qazba bailyqtardy tiimdi igerý jáne halyq igiligi úshin iri jobalardy qurýdyń bastamashysy boldy", - delingen habarlamada.
Aita keteiik, Balǵymbaev 1997-1999 jyldary Qazaqstannyń premer-ministri laýazymyn atqarǵan. Keiin "Qazaqoil "Ulttyq munai-gaz kompaniiasy" JAQ jáne "Qazaqstandyq munai investitsiialyq kompaniiasy"AQ prezidenti boldy.
2009 jylǵa deiin Nurlan Balǵymbaev Qazaqstannyń Tuńǵysh Prezidentiniń keńesshisi boldy. Sodan keiin italiialyq Eni munai-gaz kompaniiasymen jobalardy júzege asyrý jónindegi uiymnyń Bas direktory laýazymyna taǵaiyndaldy. Qazaqstannyń eks-premer-ministri 2015 jyldyń qazan aiynda qaitys bolǵan edi.
