- Astanada Esil ózeniniń jaǵalaýynda alyp saǵat ornatyldy.
Jańa jyl qarsańynda qala kórkin asha túsken saǵat tsiferblatynyń diametri - 17 metr. Jaryq diodtar túnde ádemi kompozitsiiany quraidy.
Saǵat ainalasyndaǵy aýmaq halyq demalysy úshin tamasha oryn. Munda elorda turǵyndary men qonaqtary úshin syrǵanaqtar men aýdany 8 myń sharshy metrlik úlken muz aidyny jasalǵan. Saǵat naqty mehanizmmen jabdyqtalǵan jáne Jańa jyl túni Esil ózeniniń jaǵalaýyndaǵy otshashý saǵat tili týra 24.00-di kórsetkende bastalatyn bolady.
Aita keteiik, Esil ózeninde ornatylǵan jańajyldyq saǵat álemdegi eń úlkeni bolýy múmkin. Manhettenniń janynda (Niý-Djersi shtaty, AQSh) Gýdzon ózeninde ornatylǵan barshaǵa tanymal Colgate saǵatynyń diametri 15,24 metrdi quraidy.
