Astananyń sol jaǵalaýyndaǵy elitaly aýdandardyń birinde ornalasqan záýlim úidiń satylymǵa qoiylǵany áleýmettik jelilerde qyzý talqylanýda, dep habarlaidy ult.kz.
Jarnamada kórsetilgen málimetke sáikes, jer úidiń negizgi aýmaǵy 650 sharshy metrdi quraidy jáne ol 20 sotyq jer teliminde ornalasqan. Úsh deńgeili turǵyn úide 10 bólme bar, al qosymsha qurylystardy qosa eseptegendegi jalpy aýdany 1150 sharshy metrge jetedi. Nysannyń baǵasy – 1,8 million dollar.
Alaida kópshiliktiń nazaryn úidiń kólemi emes, onyń ishki árleýi aýdarǵan. Jariialanǵan videodan intererde altyn tústes elementterdiń keńinen qoldanylǵanyn kórýge bolady. Ásirese, jýynatyn bólmedegi altyn tústes ýnitaz ben bide áleýmettik jeli qoldanýshylary arasynda erekshe qyzyǵýshylyq týdyrǵan.
Pikir qaldyrýshylardyń bir bóligi úidiń dizainyn ázilmen «syǵan barokkosy» stiline teńep, mundai intererde kúnnen qorǵaityn kózildirikpen júrý kerek ekenin jazǵan. Basqalary qomaqty qarjy men talǵam árdaiym qatar júre bermeitinin alǵa tartqan.
Sondai-aq jeli qoldanýshylarynyń birqatary záýlim úidiń iesi kim ekenine qyzyǵýshylyq tanytsa, endi biri áleýmettik teńsizdik pen elitalyq jyljymaityn múlik baǵasy týraly pikirtalasqa kóshken.
Osylaisha, qymbat jyljymaityn múlik nysany sán-saltanatymen bireýlerdi tánti etse, endi bireýler úshin «qymbat ári bai kóriný» uǵymynyń ózgeshe qabyldanatynyn kórsetken mysalǵa ainaldy.
