استانانىڭ سول جاعالاۋىنداعى ەليتالى اۋدانداردىڭ بٸرٸندە ورنالاسقان زەۋلٸم ٷيدٸڭ ساتىلىمعا قويىلعانى ەلەۋمەتتٸك جەلٸلەردە قىزۋ تالقىلانۋدا, دەپ حابارلايدى ult.kz.
جارنامادا كٶرسەتٸلگەن مەلٸمەتكە سەيكەس, جەر ٷيدٸڭ نەگٸزگٸ اۋماعى 650 شارشى مەتردٸ قۇرايدى جەنە ول 20 سوتىق جەر تەلٸمٸندە ورنالاسقان. ٷش دەڭگەيلٸ تۇرعىن ٷيدە 10 بٶلمە بار, ال قوسىمشا قۇرىلىستاردى قوسا ەسەپتەگەندەگٸ جالپى اۋدانى 1150 شارشى مەترگە جەتەدٸ. نىساننىڭ باعاسى – 1,8 ميلليون دوللار.
الايدا كٶپشٸلٸكتٸڭ نازارىن ٷيدٸڭ كٶلەمٸ ەمەس, ونىڭ ٸشكٸ ەرلەۋٸ اۋدارعان. جارييالانعان ۆيدەودان ينتەرەردە التىن تٷستەس ەلەمەنتتەردٸڭ كەڭٸنەن قولدانىلعانىن كٶرۋگە بولادى. ەسٸرەسە, جۋىناتىن بٶلمەدەگٸ التىن تٷستەس ۋنيتاز بەن بيدە ەلەۋمەتتٸك جەلٸ قولدانۋشىلارى اراسىندا ەرەكشە قىزىعۋشىلىق تۋدىرعان.
پٸكٸر قالدىرۋشىلاردىڭ بٸر بٶلٸگٸ ٷيدٸڭ ديزاينىن ەزٸلمەن «سىعان باروككوسى» ستيلٸنە تەڭەپ, مۇنداي ينتەرەردە كٷننەن قورعايتىن كٶزٸلدٸرٸكپەن جٷرۋ كەرەك ەكەنٸن جازعان. باسقالارى قوماقتى قارجى مەن تالعام ەردايىم قاتار جٷرە بەرمەيتٸنٸن العا تارتقان.
سونداي-اق جەلٸ قولدانۋشىلارىنىڭ بٸرقاتارى زەۋلٸم ٷيدٸڭ يەسٸ كٸم ەكەنٸنە قىزىعۋشىلىق تانىتسا, ەندٸ بٸرٸ ەلەۋمەتتٸك تەڭسٸزدٸك پەن ەليتالىق جىلجىمايتىن مٷلٸك باعاسى تۋرالى پٸكٸرتالاسقا كٶشكەن.
وسىلايشا, قىمبات جىلجىمايتىن مٷلٸك نىسانى سەن-سالتاناتىمەن بٸرەۋلەردٸ تەنتٸ ەتسە, ەندٸ بٸرەۋلەر ٷشٸن «قىمبات ەرٸ باي كٶرٸنۋ» ۇعىمىنىڭ ٶزگەشە قابىلداناتىنىن كٶرسەتكەن مىسالعا اينالدى.
