Nur-Sultan qalalyq ákimdiginiń resmi Instagram paraqshasynda jumyspen qamtý máseleleri jóninde kezekti tikelei efir ótti. Suraqtarǵa jumyspen qamtý ortalyǵynyń jumyspen qamtýǵa kómek kórsetý bóliminiń bastyǵy Azamat Baitasov jaýap berdi, dep habarlaidy "Ult aqparat" qala ákimdiginiń resmi saityna silteme jasap.
«Qazir jumyspen qamtý ortalyǵyna kelýdiń, tirkelýdiń qajeti joq. Ortalyq usynatyn barlyq qyzmetter onlain rejimde. 57-88-88 telefony arqyly bailanysýǵa bolady. Qońyraý shalyp, qajetti qyzmetti tańdap, ótinim qaldyryńyz. Sodan keiin bizdiń mamandar sizge qońyraý shalyp, ótinim boiynsha jumys isteidi. Jumyssyzdardy tirkeý jáne jumysqa ornalastyrý úshin bizde tórt qalalyq telefon: 95-44-20, 57-86-19, 72-93-57 jáne 72-93-50, sondai-aq eki uialy telefon: 8-777-116-82-76 jáne 8-777-116-82-73. Oqý jáne grant bólý boiynsha myna telefondarǵa habarlasyńyz: 95-44-24, 95-44-16, 95-44-18, uialy telefon: 8-702-513-61-19. Tolyq aqparatty jumyspen qamtý ortalyǵynyń cz.astana.kz saitynan alýǵa bolady», – dep túsindirdi A.Baitasov.
Sondai-aq ol jumysqa ornalasqysy keletinderge kóptegen bos jumys oryndary bar ekenin aitty. Jumysshylar, qurylysshylar, júrgizýshiler, merchendaizerler suranysqa ie.
Esterińizge sala keteiik, tek «Jumyspen qamtýdyń jol kartasy – 2020-2021» baǵdarlamasy boiynsha qazirgi ýaqytta shamamen 3 myń maman qajet.
Sonymen qatar stýdentter jumysqa ornalasa alady. Jumyspen qamtý ortalyǵy qyzmetkerleri bos jumys ornyn tabýǵa kómektesý úshin jumyssyz retinde tirkelý kerek.
«Jumyssyz retinde tirkelý úshin jumyspen qamtý ortalyǵynyń call-ortalyǵyna 57-88-88 telefony arqyly habarlasý kerek. Onda siz ótinimdi, iaǵni tegińiz, atyńyz, ákeńizdiń aty, JSN jáne telefon nómirin qaldyrasyz. Sodan keiin bizdiń mamandar sizge qońyraý shalyp, qujattardy suraidy: sizde diplom, eńbek kitapshasy, anyqtama jáne qalada tirkeý bolýy kerek. Biz sizdi tek osy jaǵdaida tirkeimiz», – deidi A.Baitasov.
Onyń aitýynsha, jumyssyzdarǵa járdemaqy jarnalar men saqtandyrý qoryna qatysý mólsherine bailanysty taǵaiyndalady.
