Astanada jol júrý aqysy elektrondy kartamen tólengende burynǵysha ózgerissiz qalady, al qolma-qol tólem 180 teńge bolady, dep habarlaidy Elorda Info.
Elordalyq máslihat depýtattary qalanyń qoǵamdyq kólikterinde jol aqysyna saralanǵan tarif engizý máselesin biraýyzdan qoldap daýys berdi.
Kartamen tólegen jaǵdaida jol júrý aqysy ózgerissiz qalatyny týraly Astana qalasynyń kólik jáne jol-kólik infraqurylymyn damytý basqarmasynyń basshysy Ashat Qaraǵoishin aitty.
"Qalalyq baǵdardarda elektrondy kartamen tólem 90 teńge, qolma-qol tólem 180 teńge bolady. Ekspress-baǵdarlarda kartamen tólem 180 teńge, al qolma-qol tólem 250 teńge bolady", — dedi ol.
Qala shetine qatynaityn baǵdarlar aimaqtar boiynsha bólinedi. Al baǵasy eki ese kóbeiedi, máselen, birinshi kólik aimaǵyna qatynaý 180 teńge, ekinshi aimaqqa qatynaý 400 teńge, úshinshi aimaq 600 teńge, al tórtinshi kólik aimaǵyna qatynaý 800 teńge bolady.
