Elordada qurylys materialdary men meditsinalyq maskalar shyǵaratyn kásiporyndar, sondai-aq jańa meditsinalyq mekemeler, jylyjailar, bazarlar salynady, dep habarlaidy "Ult aqparat".
«Qalada jylyjailar men azyq-túlik bazarlarynyń sanyn arttyramyz. Búgin ótken investitsiialyq keńeste jylyjai kesheni men eki bazardyń qurylysy qoldaý tapty. Atqarylyp jatqan bul jumystar azyq-túlik qaýipsizdigin qamtamasyz etip, áleýmettik mańyzy bar azyq-túlik baǵasyn ustap turýǵa múmkindik beredi», - dep jazdy Nur-Sultan qalasynyń ákimi Altai Kólginov Instagram-paraqshasynda.
Elorda basshysy atap ótkendei, sonymen qatar atalǵan keńeste temirbetondy buiymdar, giperpresstelgen kirpish óndiretin zaýyt qurylysy, aralanǵan aǵash ónimderi men jaryqdiodty jaryqshamdar óndirisi qoldaý tapty.
«Bul materialdardyń barlyǵy da qurylysta qoldanylady. Qurylys qarqynyn eskersek, otandyq óndiris materialdary salynyp jatqan obektilerdiń ózindik qunyn tómendetýge septigin tigizedi.
Sondai-aq, birqatar meditsina mekemeleriniń qurylysyna jáne meditsinalyq maska shyǵaratyn óndiriske qoldaý bildirildi. Árbir jeke joba –bul ekonomikaǵa jeke investitsiia tartý ǵana emes, oǵan qosa jańa jumys oryndaryn qurý. Memleket basshysynyń tapsyrmasymen investorlardyń jumys isteýine jaily jaǵdai jasaimyz»,- dep jazdy Altai Kólginov.
