Elordada zapastaǵy áskeri qyzmetkerler 99255 áskeri bólimine kezekti áskeri jiynǵa shaqyryldy. Jiyn Astana qalasynyń Qorǵanys isteri jónindegi departamentiniń saptyq alańynda uiymdastyryldy, dep habarlaidy "Ult aqparat".
«Oqý-jattyǵý áskeri jiyndar mobilizatsiialyq resýrstardy daiyndaý jáne qaita daiarlaý, dala daiyndyǵyn jaqsartý jáne áskeri áreketterdiń úilesimdiligin arttyrý maqsatynda ótkiziledi. Jalpy 100 áskeri mindetti adam jiynǵa shaqyryldy, olardyń 22-si ofitser, al 78-i serjanttyq quramda.
Áskeri jiyn kezeńinde jumysshylardyń jumys orny, qyzmettik laýazymy saqtalady, ortasha ailyq jalaqysyn alady», — dedi Astana qalasynyń Qorǵanys isteri jónindegi departamentiniń bastyǵy polkovnik Aidyn Saǵynbekov.
Jiyndar josparly túrde ótkizilip, 13-22 qyrkúiek aralyǵynda jalǵasady.
«Elordada áskeri mindettilerdi jinaý sharalary dástúrli túrde jylyna eki ret — kóktemde jáne kúzde ótkiziledi. Áskeri jiyn kezeńinde olar áskeri múlikpen, tamaqpen jáne meditsinalyq qyzmettermen qamtamasyz etiledi. Sondai-aq, oqý-jattyǵý jiyndarynan sátti ótken áskeri mindettilerge kelesi áskeri ataqtar beriledi», — dep atap ótti Astana qalasynyń aýmaqtyq qorǵanys brigadasynyń komandiri polkovnik Omar Orynbaev.
Quqyqtyq baqylaý qyzmetiniń bastyǵy Qalibek Diýsembaev áskeri qyzmetten 21 jyl ótken soń buryn alǵan daǵdylaryn jańǵyrtýǵa úmittenedi.
«Áskeri jiyndar — áskeri daǵdylardy eske túsirý jáne damytý úshin tamasha múmkindik. Jiynǵa shaqyrý kelgende, men óz erkimmen, yqylaspen kelisip, Otan aldyndaǵy boryshymdy óteýdi jón kórdim. Árbir er adam áskerde qyzmet etýi kerek dep esepteimin, óitkeni bul tek memleket úshin ǵana emes, ózimiz úshin de qajet», — dedi ol.
