Astanada zańsyz miting uiymdastyrýshy 15 táýlikke qamaýǵa alyndy, - dep jazady Massaget.kz portaly.
Elordalyq sottyń baspasóz qyzmeti M.J. Ábievke qatysty ákimshilik quqyq buzýshylyq týraly istiń qaralýy týraly habarlady.
Resmi derekterge sáikes, 27 qarashada Astana qalasynyń ákimshilik quqyq buzýshylyq ister jónindegi mamandandyrylǵan aýdanaralyq soty Ábievke qatysty eki isti qaraǵan.
Oǵan qatysty eki ákimshilik quqyq buzýshylyq týraly hattama toltyryldy: beibit jinyndardy uiymdastyrý jáne ótkizý tártibi týraly zańnamada belgilengen tártipti buza otyryp, ruqsat etilmegen miting uiymdastyrǵany jáne ótkizgeni úshin (ÁQBtK 488-baby 7-bóligi) jáne politsiia qyzmetkerleriniń qyzmettik mindetterin atqarýyna bailanysty olardyń zańdy talaptaryna baǵynbaǵany úshin (ÁQBtK 667-baby 1-bóligi).
"Is materialdarynda 2022 jyldyń 26 qarashasynda M.Ábiev Astana qalasynyń jergilikti atqarýshy organynyń ruqsatynsyz Qorǵaljyn tasjoly boiynda miting uiymdastyryp, politsiia qyzmetkerleriniń zańdy talaptaryna baǵynbaǵany kórsetilgen.
Onyń sotta aitqany boiynsha, ol aýyl sharýashylyǵyn damytý jobasyn tez arada qaraýǵa el basshylyǵy nazaryn aýdarý maqsatynda beibit miting uiymdastyrýdy uiǵarǵan. Ol zańǵa qaishy áreket jasamaǵanyn aityp, beibit jiyn ótetin kúnnen bir kún buryn qala ákimine aldaǵy is-shara týraly habarlaǵanyn málimdedi. Ákimshilik quqyqty buzý boiynsha kinásin moiyndamady. Prokýror sottan Ábievti kináli dep tanyp, 15 táýlikke qamaýǵa alýdy surady", - dedi Astana sotynyń baspasóz qyzmeti ókilderi.
Birinshi fakt boiynsha sotta Ábievtiń jergilikti atqarýshy organǵa habarlama bermegeni anyqtaldy.
"Osylaisha, Ábievtiń beibit jiyndardy uiymdastyrý men ótkizýdiń belgilengen tártibin buzǵany anyqtaldy. Ekinshi fakt boiynsha videodan Ábiev politsiia qyzmetkerleriniń tártipti saqtaý týraly birneshe ret qoiǵan talabyna jaýap bermei, ruqsat etilmegen sherýge qatysýdy toqtatýdan bas tartqany kórinedi.
Sotta Ábievtiń kinási ákimshilik quqyq buzýshylyq týraly hattamadaǵy naqty málimettermen, beinejazbamen jáne istiń basqa da materialdarymen anyqtaldy. ÁQBtK-niń 488-baby 7-bóliginiń sanktsiiasynda 15 AEK mólsherinde aiyppul salý nemese 15 táýlikke deiin ákimshilik qamaqqa alý túrindegi jaýapkershilik kózdelgen. ÁQBtK-niń 667-baby 1-bóliginiń sanktsiiasy - 30 AEK mólsherinde aiyppul nemese 15 táýlikke deiingi merzimge aiyppul salý", - dedi elordalyq sottyń baspasóz qyzmeti ókilderi.
Astana qalasynyń Ákimshilik quqyq buzýshylyq ister jónindegi mamandandyrylǵan aýdanaralyq soty Ábievti osy quqyqbuzýshylyqtardy jasaǵany úshin kináli dep tanyp, eki hattama boiynsha da 15 táýlikke ákimshilik qamaqqa alý túrindegi ákimshilik jaza taǵaiyndady. Qaýlylar zańdy kúshine engen joq.
